2010-10-27

نجاد والحاخام وولاد الحرام

كان تتفكّروش هاك المرّة وقت اللي حكينا على "خرافة التشيّع في تونس"، شُفنا كيفاش فمّة مئات الفاضيين شغل سيّبو كلّ شيّ وشدّو في حسن نصر الله وأحمدي نجاد وآية الله الخميني وغيرهم من الشّيعة بتعلّة أنّهم "روافض وكفرة ويسبّو في أمّهات المؤمنين الخ" (لا والغريبة هي أنّهم مافاقو بالحكايات هاذم الكلّ كان السّنا، عام 2010).

وأكيد أغلبكم لاحظ انتشار الصّفحات ومقاطع الفيديو اللي يسبّو في الشّيعة على فايسبوك كانتشار النّار في الكيوسك. بحيث ولّى الواحد كلّ ما يكونكتي يلقى في خليقتو تصويرة متع الخميني مشوّهة بالفوتوشوب والاّ فيديو متع شيعة يندبو في وجوههم، وما أزعمهم عاد الكْرَب وقت يركّزو مع حاجة ويلعبو دور الجّعوبات اللي فاقو بأسرار مخابراتيّة مافاق بيها حدّ قبلهم.

و ما نعرفش علاش بعض النّاس وقت يراو صفحة تستعمل الخطاب الدّيني يظنّو اللي الستاتيات les statuts اللي فيها الكلّ قرآن والاّ أحاديث، ويتبلوكى عندهم أيّ حسّ نقدي وحتّى كيف يشوفو كذبة والاّ حاجة ما تخاويش "يلعنوا الشّيطان" ويقولو في قرارة أنفسهم اللي هوما "أساؤوا الظنّ" بالمُشرف متع الصّفحة، وما يفكّروش حتّى للحظة وحدة اللي المُشرف هذاكة ماهو إلاّ واحد من مئات المفرخ اللي ما يعيشو كان في الانترنات واللي ساعة ساعة تلقاه حالل موقع بورنوغرافي بالتّوازي مع الصّفحة متاعو ويدجّل على النّاس: "جزاك الله خيرًا أخي الكريم .. شكرا لمرورك أختاه .. أنشروا صفحتنا فضلا وليس أمرًا، هدانا الله وإيّاكم لما يرضاه".. إلى غير ذلك من قوالب التّعاليق الجّاهزة اللي تظهر الرّحمة والمودّة وتخبّي وراها عقد وأمراض نفسيّة لا يورّيهم لمومن.

وحتّى وقت اللي يجيهم واحد بالصّدفة يكشف الخزعبلات متاعهم في تعليق، والاّ يحطّ رابط يورّي اللي هوما يكذبو ويدجّلو على النّاس، كون متأكّد اللي تعليقو وعضويّتو ماهمش باش يفوتو الخمسة دقايق في أفضل الحالات (هذا لو فرضنا اللي "المشرف" تلَزّ باش يسيّب الأورديناتور لظرف طارئ جدّا كموت أحد أفراد الأسرة مثلا). وشخصيّا حضرت على عشرات الحالات اللي تبلوكاو فيهم عباد لا سبّو ولا كتبو كلام زايد، وكانت "غلطتهم" الوحيدة هي أنّهم قالو الحقّ في صفحة من هذه الصفحات. واذا بلوكاوك كهو من غير ما يجيوك ببروفيل سبيسيال متع سبّان ويسمّعوك ما تكره تتسمّى والديك راضيين عليك.

اليوم عاد صارت فازة تأكّد الحكاية اللي نحكيلكم فيها وتورّي كيفاش ها القمل متع "محاربة الماسونيّة" و"التّغييرات الشّخصيّة" و"الخروج من البلاهة" مستعدّين باش يتقلبو في كلامهم 180 درجة وماعندهم حتّى مشكلة وقت اللي يركّبو فيديو على قرآن والاّ خطبة متع جمعة ويخرّجو الحكاية من سياقها ويكتبو اللي يحبّو عليه من اللوطة في الـ sous-titre، بطريقة تخلّي أيّ انسان ماهوش مطّلع بطريقة كافية يصدّق اللي حطّوه في الفيديو ويفهم اللي حبّو هوما يفهموهولو، خاصّة عاد اذا يبدا من المواظبين على صفحتهم ويبدا تعدّى ديجا على محطّة غسل الأدمغة وصدّق اللي هو برك "الإنسان الباهي" واللي بقيّة العالم بالشّيعة واليهود والمسيحيّين والبوذيّين والطّلاين والأفغان والشّناوة متآمرين عليه باش ينحّيولو هاكي "ذرّة الإيمان" اللي قعدت عندو واللي ما تتجاوزش هاك الـ click اللي يعملها تحت فيديو من فيديوات سامي يوسف.

 هات نتفرّجو في الفيديو ساعة باش نشوفو كيفاش يغسلو في مخاخ العباد:




كيف ما قاعدين تشوفو، الفيديو يدوم أقلّ من دقيقة ومتكوّن من 3 حاجات اللي هوما الصّورة والصّوت والكتيبة. التّركيب متع الـ3 حاجات هاذم على بعضهم ماهوش اعتباطي كيف ما ينجّم يمشي في بالكم وإنّما عندو دوافع محدّدة مليييييح مليييييح.

أوّلا: الجّربوع اللي عمل المونتاج أكيد تفرّج في الفيديو الأصلي اللي جاء في نشرة إخباريّة، معناها الصّورة الأصليّة ومعاها الصّوت الأصلي اللي تابعها. وهنا يقول القايل: إذا كانت نيّتو هي أنّو يورّي "حقيقة" للعباد، سواء كانت الحقيقة هاذي مع أحمدي نجاد والشّيعة وإلا ضدّهم، علاش ما يخلّيش الفيديو كيف ما هوّ باش ها الـ "حقيقة" توصل للعباد من غير رتوش؟

ثانيا: تركيب صوت الحذيفي على الفيديو نابع من كون الجّربوع اللي عمل المونتاج مالقى حتّى كذبة باش يقولها هوّ بصوتو، ولذلك اختار باش ينوّم المشاهدين بصوت "مألوف" عند المسلمين السنّة باش ما يقعد عندهم حتّى شكّ اللي الكلام اللي باش يتكتب في الـsous-titre صحيح بنسبة مئة بالمئة. (وهي بالمناسبة طريقة واسعة الرّواج على صفحات الدّعوذة وما شابهها)

ثالثا: بعد ما تمّ تخدير المُشاهد بالصّوت والصّورة يجي دور "الرّسالة" اللي حبّ " المُشرف" يوصّلها للـ "مخدوعين بالشّيعة من أهل السنّة" وهي أنّ هناك "تعاون شيعي-يهودي" (ضدّ السنّة) وأنّ الفيديو الأحول هذا هو خير دليل على هذا التّعاون.




بـــــــــــاهي،

أنا متأكّد اللي بعضكم (إذا موش أغلبكم) يعرفو الحاخام اللي يعنّق فيه نجاد في الفيديو، وحتّى إذا ما تعرفوش اسمو أكيد ريتوه قبل. لكن للأسف، ما نتصوّرش اللي الجّماعة اللي يتبّعو في صفحات البلاهة (وخاصّة اللي كتبو التّعاليق متع السبّان) عندهم أدنى فكرة على الحاخام هذا شكونو وشنوّة عمل في حياتو، إذ بالنّسبة لهؤلاء الجّهلة، يكفي أنّو "يهودي عامل ضفاير" باش يكون صهيوني والاّ اسرائيلي يكره العرب والمسلمين.

الحاخام هذاكة اسمو Dovid Weiss ، ناشط سلام وناطق رسمي باسم منظّمة ناتوراي كارتا المناهضة للصّهيونيّة، وهو معروف برفضه القاطع لقيام دولة اسرائيل، وقال بالحرف: "راهو محرّم علينا باش تكون عندنا دولة، حتّى كيف تكون في أرض مقطوعة ومافيها حتّى بشر". المناسبة اللي زار فيها إيران واللي تصوّر فيها الفيديو هي المؤتمر العالمي لمراجعة الرّؤية حول الهولوكوست واللي صار في طهران نهار 11 ديسمبر 2006 وأثار استنكار الأمم المتّحدة و عديد الأطراف الأخرى اللي تساند في الكيان الصّهيونيّ بما فيها "اسرائيل" والولايات المتحدة الأمريكيّة.

معناها شوف كيفاش، فيديو يخرّجوه من السّياق متاعو ويفوّحوه بشويّة بهارات "دينيّة" لا لشيء إلاّ باش يمرّرو خطاب عنصري ماعندو كان خلفيّة وحدة وهدف واحد هو اشاعة مزيد من الكراهيّة بين البشر باختلاف توجّهاتهم الدّينيّة. الفيديو (المفبرك) ما يخدم بحتّى طريقة لا القضيّة الفلسطينيّة ولا السّلام ولا حتّى حقّ البشر في معلومة صحيحة خالية من المغالطات المسمومة.

وبالله نحب نستغل الفرصة هاذي باش نشجّع النّاس اللي ما يعرفوش الفرق بين اليهوديّة كدين سماوي والصّهيونيّة كحركة عنصريّة دمويّة باش يحلّو الكتاب ويشوفو الفرق. الجّهل ماهوش عيب راهو، العيب الكبير هو أنّك تستغلّ جهل العباد بالحقيقة ببعضهم باش تكرّههم في بعضهم من غير ما يعرفو بعضهم، خاصّة وقت اللي تبدا عندك صفحة فيها آلاف المراهقين اللي ثقافتهم تنحصر بين أغاني الفيراج وفيديوات الفايسبوك.

وقبل ما نختم، نحبّ نزيد نثبتلكم التّناقض الصّارخ اللي نلقاوه في صفحات البلاهة:

 تتفكّرو ماهو وقت اللي حكينا كيفاش هاك الهوايش ينشرو في سلسلة القادمون (اللي عاملينها زوز شيعيّين يعيشو في أمريكا) وفي نفس الصّفحة يسبّو في الشّيعة؟ هيّا شوفو الفيديو هذا مالا واللي نشروه نفس القمل خاطر كلام نفس الحاخام Dovid Weiss اللي فيه يتماشى مع أهوائهم. وقت اللي يعجبهم كلامو يحطّو صوتو كيف ماهو، ووقت اللي يحبّو يشوّهو نجاد يعدّيو الحاخام كمجرّد "يهودي" ما لازمكش تكون عندك بيه حتّى علاقة خاطرو قاعد يتآمر مع الشّيعة عليك انت كسنّي "ما كيفك حدّ".

read more "نجاد والحاخام وولاد الحرام"

2010-10-16

ويكاند مع مدوّن: يوسف عالحيط



مرحبا بيكم، حبّينا نعملوا الرّكن هذا بعد ما لاحظنا اللي برشة توانسة مازالوا ماعندهمش فكرة باهية على المدوّنين التّوانسة. "ويكاند مع مدوّن" باش يولّي - كان سهّل ربّي - ركن أسبوعي قارّ في المتنوشة، نتعرّفو كلّ نهار سبت من خلاله على مدوّن تونسي ونحاولو باش نتعرّفو عليه ونعرفو بعض جوانب الواقع التّدويني في تونس.



المتنوشة: شكونو يوسف؟

يوسف: يوسف ، تونسي قلب وجنسية ،عشرين سنة ، ولد الهمهاما ، طالب سنة ثانية مرحلة تحضرية هندسية ... مغروم بالعزف (غيثار ، كمنجة، بيانو ، بندير لا ) ، ألتصوير الفوتغرافي ، الرسم ، المسرح ، المطالعة،السنما ...كل حاجة بعيدة عالقراية ...


المتنوشة: كيفاش بدات حكايتك مع التّدوين؟

يوسف: نعرف صديق مدون معروف" بوقرنين" كنت نتبع في تدويناتو ،ولتوة متابع وفي ليه وتعلمت منو الكثير. مبعد تعرفت على برشة مدونات اخرين من خلالو ... ونهار قلت، علاش لا حتى أنا ما نخوضش تجربة حرية الرأي... وهكا بدات الحكاية

المتنوشة: فمّة مواضيع تتجنّبهم وقت اللي تكتب؟ 

يوسف: في بدايتي كنت نشد روحي باش ما نكتبش في السياسة ... كان عندي خوف مالصنصرة وأنا مازلت نددش أكثر من توة ... حالياً، وخاصةً بعد الحجب متع المدونة الأولى متاعي ، ما فماش موضوع نتجنب ما نكتبش فيه ، أما ديما نحاول ما نجبدش الأشخاص بأسمائهم لا تولي الحكاية فيها ثلب وجو ... " وأنا غلبان يا باشا و ما ليش فالسياسة ".



المتنوشة: كان تحكيلنا على حجب المدوّنة الأولى متاعك عالحيط؟

يوسف: الحجب متاع عالحيط، كان في الحقيقة مترقب، بعد ما كتبت التدوينة اللي تخص مجموعة الستين قفاف-مناشد ... وهذا يدل على بدائية وتفوريخ نظام الحجب في تونس ... تقولش عليك تلعب في بلايستيشن وتنزل عالفلس ...
مالأول غاظني؛ أما مبعد نصيف ساعة كونت مدونتي الجديدة "الطقطوقة" 
الواحد لازمو يعيش مع الواقع وما يقعدش يتبكى في الفارغ ...
توة بعد أشهر مالحجب تأكدت اللي التجربة كانت أجابية أكثر منها سلبية ... اش خير مالأشهار البلوشي ؟


المتنوشة: حسب رايك، علاش اطّلاع التوانسة على المدوّنات قعد محدود نسبيّا بالمقارنة مع دول عربيّة أخرى كيف مصر مثلا؟

يوسف: حسب رأيي الشخصي، المدونات في تونس ، خاصةً الناطقة باللغة الدارجة الشعبية، قريبة ياسر مالمبحر التونسي ، ما نتصورش المشكل عميق .شوية إشهار في المواقع ، شوية تعاون من مشرفي الصفحات الكبار التوانسة في الفايسبوك ( بما أنو الموقع اللي يوفر الإكتفاء الذاتي للانترنات للتونسي) وياخذ التدوين مكانتو في الشبكة ...




المتنوشة: لاحظنا في العامين الاخرانيين "جفاف" في البلوغسفير التونسي بالمقارنة مع سنواتو الأولى، شنوّة السبب حسب رايك؟

يوسف: الصنصرة ثم عقلية المدونفي العامين الأخرانين وخاصةً في العام الأخر مئات المدونات كلاها الحجب وبرشة مجمعات مدونين زادة ... 
المدون اللي تتحجبلو مدونتو نادراً ما يرجع يكتب وإذا رجع نادراً ما يرجع بالنسق القديم ....
والوجوه الجديدة قليلة على خاطر كيما قلت، إطلاع التوانسة على المدونات محدود ...

المتنوشة: لاحظنا انخراط بعض المدونين الموالين للتجمع الدستوري الديمقراطي في مجمعات تدوينية كيف تونيزي بلوغز، لكن ردة فعل بقية المدونين كانت "اقصائية" حسب وصف التجمعيين. تنجمش تزيد تفسرلنا الحكاية؟

يوسف: انخراط التجمعيين في التونيزي بلوغز ماهوش مشكل. بالعكس يشكل عامل ثراء (أممممم) ... المشكل كيف ها الفئة من المدونين "المأجورين"يقتصر نشاطهم على سب المدونين اخرين ، وتوجيه إتهامات ليهم ، ومطالبة بحجب مواقعهم ...
كيف مدون تجمعي يربط الوطنية بالإنتماء إلى الحزب الحاكم ... يتحول التدوين إلى دوانة ...
وزيد فوق هذا الكل ... فدينا مالقزوردي يا أخي ... فين تدور تلقاه يشعشع ، كان بدلو اللون، ممكن راهو دخلو في الجو . 

المتنوشة: هل يمارس يوسف الرّقابة الذاتيّة؟

يوسف: نمارسها ساعات فوق اللازم ... أما ما نسميهاش رقابة ذاتية ... ممكن تريث . الواحد ساعات ينجم يقول فكرة وهو في حالة معينة (تعب ، تنرفيز ، هبلة ) ، ولكنها ما تمثلش رأيو الحقيقي ويندم عليها كي يبرد.

المتنوشة: يوسف الافتراضي ويوسف الحقّاني .. شنوّة الفرق؟


يوسف: فرق صغير ياسر ، يوسف الحقاني يتكلم بنفس اللغة متع يوسف عالحيط مع الأصحاب والعايلة ، أغلبية التدوينات اللي نكتبهم يصيرولي بلحق وللى نناقشهم مع شخص ما ... تبقى ما زالت ما عنديش الشجاعة متع يوسف الإفتراضي باش نحكي في موضوع يمكن يبيتني في دار خالتي، قدام مائة شخص وبأعلى صوتي ...

المتنوشة: أماهي التّدوينة اللي تعتبرها أحسن تدوينة كتبتها بالدّارجة؟ ولشكون تهديها؟


يوسف: في المعتاد كي نكتب تدوينة بالدارجة (عكس التدوينات بالفرنسي)، نخمم فيها و نكتبها بالوقت وننشرها ، الحكاية ما تشدش نصف ساعة. فما تدوينة وحدة شدتني نهار كامل، وأنا نخمم في حكايتها وكتبتها عالتلفون وانا في الثنية ... قلت هاذي مهما يصير لازمني نكتبها ... المدونة تحكي على واحد مريض معوق وأمو، ريتهم في الترينو وقعد المشهد مأثر فيا لتوة..."كليمة لازم تتقال" هو أسم التدوينة ... نحب نهديها لها الأم ومن خلالها لكل أم وخاصةً أمي .


المتنوشة: كلمة الختام؟

يوسف: عجبتني الفازة متاع "ويكاند مع مدون" ... فكرة باهية ياسر، باش تزيد البلوغسفير تلقى رواج ... حلو استمثار التألق متع المتنوشة في حاجات كيما هكة... عيني ما تضركم ونشالله ديما خير ...باش ما يقولوش شبيه ما يهز كان في القفة، نحب مالمنبر هذا (كيما يقولو جماعة بالمكشوف) نطلب مالمشرفين عالمواقع والصفحات التونسية باش يشاركو في التعريف بالتدوين ... أنشرها ولك الأجر.

إلى اللقاء... وزورونا ؛)



كليمة لازم تتقال


قلنا السلام ...
عندي برشة ما كتبتش حرف علحيط ، الله غالب القراية مفشختني والإلهام عندو مدة ما طلش ... هاني رجعت نحكي ليوم على حكاية نحب من خلالها نكرم شخص ...
ليوم، كيما كل يوم قمت عالفجر والدنيا مازلت ليل ومشيت باش ناخذ الترينو ونعمل أكل الرحلة كيما ...أغلبية الشعب الكريم
طلعت ، شديت بلاصتي في البريمة المكيفة (تكييف طبيعي) ، وقعدت نستمتع بهاكل النسمة ، حتى هيا الدنيا سخانة ، تقول غرغور القايلة في أوسو .
... ما عليناش
... وأنا هكاكة عين مسكرة وعين مغمضة
وتفيقني زنس عيطة القضا !
... حتى هكلي كانو قاعدين قدامي يحكيو عالكورة تفجعو و سكتو. غزرت ورايا بش نشوف شنية الحكاية، .لقيت ولد صغير ، مسكين معاق ذهني ، أهوكة ساعات لا طاحوا لا دزوه يسيب صيحة باهية
وقعد هاكل الطفل ثنية كاملة وهو يعاود في برشة أسامي وضربة ضربتين يعطيها صيحة ترجع الترينو عالسكة ...
وزيد أنا ماشي نعدي ثمنية سوايع كرفي ، في معهد عالي موش لازم نذكرو اسمو حفاظاً على السرية ومراعاةً لأصحاب القلوب الضعيفة ...
ما نكذبش عليكم ومن غير تنوفيق، هكل الطفل رغم إعاقتو ألي ماعندو فيها حتى ذنب ، نرفزني وطلعلي الكلبة بنت الكلب لراسي ...
وليت نقعد نقعد ونتلفت نقحرلو ، قلت بالكشي ينفع ...
عاد هكاكة على تلفيتي ريت مرا قاعدة بحذاه ، يعيطلها "أمي" .وهي تلحلح وتعاود " يزي عيش والدي معادش تعمل هكة" "صحيت عيش ولدي" " شو تاتا " ...
المرى بالها واسع ما تسمع منها كان الكلمة الباهية ، وصوت الصطاكة والضرب لا ...
قلت ... سبحان ربي ، توا أنا نصيف ساعة برك ... كان نلقى نلوح روحي مالشباك ...
وهي ؟
... كل يوم كل يوم تهز فيه وتجيب
تفطر فيه الله أعلم بأي معجزة
... تبات متحيرة عليه لايفيقلها عقاب الليل
...وبالها واسع ،وكيف كان أصغر من هكة مهمتها كانت أصعب
... وكيف يكبر مزالت باش تتلها بيه
...متئكد إلي بالها ديمة واسع
... نحب نكرم هل مرى
...نحب نكرم كل أم عايشة كيفها
... نحب نكرم كل أم

نحب نكرم أمي إلي من غيرها مستحيل كان نجم نكتب حرف من هالتدوينة ،
إلي توا خمستاش سنا وهي تقومني مالنوم باش نمشي نقرا ، من المدرسة التحضيرية إلى المعهد التحضيري
... إلي كل ليلة من غير إنقطاع تجي تغطيني حتى كي تبدا مريضة
... إلي علمتني نقول لا
... إلي نغششها ساعاة وتسامح
... إلي كيف كل أم تنسى المجهود، والتضحيات ألي عملتهم


... تكريم إلى كل أم في كل بقعة عالأرض
وحتى كان فما أمهات في كوكب آخر ... في مجموعة شمسية أخرى ... تكريم لهن زادة ... ... تكريم للي تتسب فالستاد
... تكريم للي تتسب فالمعهد
... تكريم للي تتسب على قارعة الطريق
تكريم للوحيدة ألي تستحق لقب مناضلة
أمي ، أمك ، و أمو


read more "ويكاند مع مدوّن: يوسف عالحيط"

2010-10-15

لن يَخرُجوا من الصّفر

يقول المسرحي الجزائري فلاّق: "بعضنا لا يكتفي ببُلوغ القاع بل يبدأ الحفر حينئذ بحثا عن المزيد من الرّداءة". استحضرتُ هذه القولة منذ قليل بعد أن قمتُ بجولة سريعة على حائط الصّفحة الفايسبوكيّة سيّئة الذّكر، صفحة الصّفر في نسختها الثّانية والّتي تمكّنت بعد إغلاقها من جمع أكثر من 8000 مغفّل جديد وذلك بمساعدة صفحات أخرى لا تقلّ عنها اعتباطيّة وغباءًا.


هذه الصّفحة التي كنتُ قد حدّثتكم عنها منذ مدّة (هنا) لا تكتفي بالتّمعّش من مدوّنات الآخرين ونسبها إلى نفسها، فهي أيضًا تقتات على نظريّة المؤامرة ومشتقّاتها من التّخمينات الصّبيانيّة التي ينحصر مجالها بين موقعي فايسبوك ويوتيوب، دون أن يكلّف المشرفون عليها أنفسهم عناء البحث عن الأسباب الحقيقيّة التي أدّت إلى تخلّفهم وجهلهم وقضائهم أغلب ساعات اليوم أمام شاشات بلّوريّة باردة.

ورغم إدراك هؤلاء الحمقى أنّ إغلاق صفحتهم الأولى يعود إلى إبلاغ آلاف التّونسيّين عنها لدى إدارة فايسبوك بعد افتضاح أمرها، إلاّ أنّهم يصرّون على الاستمرار في المغالطة و محاولة الضّحك على الذّقون بادّعائهم أنّ عمّار (شخصيّة خياليّة ترمز إلى رقيب الانترنات في تونس) قام بشراء حقوق إدارة الفايسبوك في تونس وأغلق صفحتهم بعد أن "عجز عن كشف أسمائهم":


وإن كانت هذه الصّفحة قد توقّفت إلى حدّ ما عن سرقة التّدوينات في نسختها الثّانية، فهي لا تزال تجترّ نفس التّفاهات والخرافات التي ملأت بها عقول بعض المراهقين التّونسيّين: من الاستمناء الفكري عن وجوب البدء في "تغيير شخصي" دون الخوض في ماهيّة هذا التّغيير أو تفاصيله، إلى الحديث عن صهيونيّة موقع فايسبوك الذي يتربّص بهم شرًّا (ورغم ذلك يقضون فيه أكثر من 10 ساعات يوميّا)، مرورا بحصص جَلد الذات اليوميّة التي يعاني خلالها أعضاء الصّفحة من سلبيّة صاحبها وإصراره على ربط التّونسيّين بكلّ ماهو جاهل ومتخلّف ورديء.

جَلد الذات هذا نابع من عقد نفسيّة تلازم المشرف على صفحة الصّفر، وعندما لم يجد لها حلاّ حاول التّنفيس عنها في فايسبوك، وذلك بأن يحاول تعميمها على أعضاء الصّفحة ليحمّلهم بعض الأعباء التي تُثقل ذهنه المريض.

أمّا المهزلة الأكبر في صفحة الصّفر والصّفحات التي تدعمها فتبقى تتمثّل في ذلك التّناقض الصّارخ بين "محاربتهم"  للشّيعة من جهة ونشرهم للُبّ التشيّع من جهة أخرى، فكما يعلم أغلبنا، ينتمي مصمّما سلسلة "القادمون" الوثائقيّة إلى المذهب الشّيعي و تبرُز محاولاتهم لنشر ذلك المذهب بكلّ وضوح في الحلقات الأخيرة من السّلسلة. ورغم ذلك يتمّ نشر مقاطع الفيديو التي أنتجاها على حائط نفس المجموعات التي تدّعي "استبسالها" في دحر المذهب الشّيعي عن المجتمعات السّنيّة. أفبعد هذا الغباء غباء؟

نعم، يوجد غباء أكبر من هذا، فآخر الطّرائف التي تمّ نشرها على حائط صفحة الصّفر تتمثّل في اتّهام صريح لإيران بتدبير "مؤامرة" لإغلاق مجموعة من القنوات الفضائيّة الإسلاميّة ومنها قناة "وصال". إيران التي لم تكترث لنعيق ترسانة إعلاميّة ضخمة تحرّكها ضدّها عشرات الدّول الغربيّة منذ ثمانينات القرن الماضي سعت إلى إغلاق قناة تبثّ برامجها على قمر صناعي يكاد يسقط فوق الصّحراء التي أطلقته.


وحتّى نلتقي مجدّدًا إن شاء الله، أترككم مع هذا الهذيان الذي أخذته من نفس الصّفحة، والذي لم يتفطّن صاحبه إلى "المؤامرة" بين رقم 7 واللّون البنفسجي:


لا تستغربوا أعزّائي، فمن يُدمن على فيديوات الماسونيّة يرى المؤامرة حتّى في فرشاة أسنانه، هذا إن كان يستعملها أصلاً. والسّلام عليكم ورحمة الله وبركاته.
read more "لن يَخرُجوا من الصّفر"

2010-10-14

يوهان لوربير "يطير" في تونس العاصمة

تناقل آلاف التّونسيّين صباح اليوم على موقع فايسبوك مقطع فيديو يظهر فيه مؤدّي الخدع البصريّة الألماني يوهان لوربير عرض "طرزان" في منطقة باب الجّديد في العاصمة التّونسيّة ويُعرَف العرض أكثر باسم "عرض الرّجل الطّائر".


واقتصر العرض على بقاء لوربير "متّكئا على حائط في الهواء" لمدّة تقارب السّاعة، وقد كانت هذه المدّة كافية لتجمع آلاف الفضوليّين وتخنق حركة المرور بالمنطقة.


ويبدو لمن يشاهد عرض "طرزان" للمرّة الأولى أنّ لوربير قد نجح في التّخلّص من جاذبيّة الأرض حتّى "يحلّق" في ارتفاع يقارب الثّلاثة أمتار.








وتوجّه التّونسيّون الذين تواجدوا في مكان العرض بعدّة أسئلة للوربير، كان أحدها "كم يمكنك البقاء في هذه الوضعيّة؟" فأجاب بأنّه يستطيع "التّحليق" لمدّة ساعة كاملة.

وقد سبق للوربير أن أدّى نفس العرض في عواصم ومدن أوروبيّة عديدة قبل أن يأتي إلى تونس، منها برلين وروما ومدريد وباريس. ويبدو أنّ شهرته في أوروبا أصبحت تحول دون نجاحه فقرّر التوجّه مؤخّرا إلى عواصم لا يعرفه فيها إلاّ القليل من النّاس.

وقد فقد عرض "طرزان" أو الرّجل الطّائر مفعوله "السّحري" على جماهير لوربير في أوروبا منذ أن قام أحدهم بالتقاط صور له أثناء التّحضير للعرض وتسريبها على شبكة الانترنات، ويظهر في تلك الصّور فريق لوربير وهو يركّب حوله يدا اصطناعيّة يُسرى قبل أن يقوم بتثبيته على الحائط ليبدو للمشاهدين كأنّه "يطير" في الهواء ويستند إلى ذلك الحائط بيده الحقيقيّة.




ردود فعل التّونسيّين الذين تمكّنوا من حضور العرض تراوحت بين الدّهشة والشكّ، أمّا على موقع فايسبوك فقد كانت التّعاليق أكثر تباينا، حيث ذهب بعضهم إلى القول بأنّ "هذا ضرب من ضروب السّحر اليهودي الأسود" وأنّه "من علامات السّاعة"، وخيّر البعض الآخر التّعليق على الموقف بسخرية قائلا أنّ "المسيح الدّجّال جاء بنفسه إلى تونس لانقاذها من مشاكل النّقل العمومي".
read more "يوهان لوربير "يطير" في تونس العاصمة"

2010-10-11

نشر أوراق مانديلا الخاصة في كتاب جديد



جوهانسبرج (رويترز) - سيصدر كتاب جديد يجمع أوراقا خاصة بنيلسون مانديلا على مدى عقود ويحمل اسم "حديثي مع نفسي Conversations with Myself" في 22 طبعة و20 لغة في مختلف أرجاء العالم يوم 12 أكتوبر تشرين الاول الجاري.

ويضم الكتاب الذي أعدته مؤسسة نيلسون مانديلا مجموعة منتقاه من كتابات مانديلا وخطاباته لتظهر الجانب الشخصي وراء الشخصية العامة لنيلسون مانديلا الذي تحول لرمز يحظى بالاحترام.

ويعرض الكتاب الذي كتب مقدمته الرئيس الامريكي باراك أوباما رحلة مانديلا الخاصة منذ بدء تحرك


وعيه السياسي الى دوره المتبلور على الساحة الدولية. ويتيح للقراء فرصة نادرة لقضاء بعض الوقت مع نيلسون مانديلا ليستمعون له بصوته بوضوح وبشكل مباشر.

ويقدم أحمد كاثرادا النزيل السابق في سجن روبن أيلاند نسخة من الكتاب لمانديلا.

وقال كاثرادا وهو يقدم الكتاب لمانديلا "سيستمع البلد والعالم ويقرآن ما تقول بكلماتك وليس ما يرويه الاخرون عما تقول. فمن خلال الخطابات واللقاءات والمفكرات والمذكرات كل شيء سيكون بكلماتك أنت. لذلك فهو فريد من نوعه وغير مسبوق."

وقالت زاندزي مانديلا "أعتقد انها هدية جميلة جدا لي الان ولاي شخص اخر سيقرأ الكتاب. عثرت على خطاب كتبه لي من الواضح أنه لم يصلني كان يحلل فيه قصائدي وما الى ذلك. كان مؤثرا جدا."

ويعطي كتاب "حديث مع نفسي" القاريء منفذا لرؤية الانسان وراء الشخصية العامة عن طريق خطابات كتبت في أحلك أوقات سجنه الذي استمر 27 عاما.
read more "نشر أوراق مانديلا الخاصة في كتاب جديد"

مواطن مصري يقطع اصبعه ليوقع على استمارة تأييد جمال مبارك بالدم


في حادثة غريبة من نوعها قام المواطن راشد الدباح رجل أعمال بمركز فوه بمحافظة كفر الشيخ بإحضار خنجر وقطع جزء من إصبع يده اليسرى للحصول على دم ليوقع به على استمارة الجبهة الشعبية لتأييد جمال مبارك مرشحا للرئاسة!

و قال محمد رجب المنسق العام للجبهة لـصحيفة اليوم السابع المصرية إن الجبهة تنتشر فى جميع محافظات مصر وإن ما يشجعها هو حب المواطنين للشاب جمال مبارك "أمل الأمة"، مضيفا أن المواطنين حريصون على إظهار ولائهم وحبهم لجمال مبارك وأنهم مستعدون لتأييده بدمائهم!

وكانت الجبهة الشعبية لدعم جمال مبارك بدأت منذ أيام حملة جديدة من التوقيعات عن طريق التوقيع بالصور من خلال مندوبيها فى 9 محافظات، حيث يقوم 100 مندوب فى 9 محافظات بتصوير 10 آلاف شخص يوميا بمعدل 100 صورة لكل مندوب، وتهدف الحملة إلى إظهار حب وتأييد طوائف الشعب المختلفة لجمال مبارك.
read more "مواطن مصري يقطع اصبعه ليوقع على استمارة تأييد جمال مبارك بالدم"

2010-10-06

تونس تسجن 7 بتهم التخطيط للالتحاق بالقاعدة في الجزائر


تونس - رويترز 

أفاد محامٍ تونسي، اليوم الأربعاء، أن محكمة تونسية قضت بسجن 7 شبان تونسيين لفترات تصل إلى 7 أعوام؛ بتهم إقامة صلات بتنظيم إرهابي، والتخطيط للالتحاق بالقاعدة في بلاد المغرب الإسلامي بالجزائر.

وقال المحامي سمير بن عمر، المتخصص في قضايا الإرهاب، في تصريحات صحفية، "قضت المحكمة الابتدائية بتونس العاصمة بسجن الشبان السبعة لفترات تتراوح بين عام واحد وسبعة أعوام، بتهم الدعوة إلى جرائم إرهابية، وإقامة صلات بتنظيمات إرهابية، ومحاولة التسلل إلى الجزائر؛ للانضمام إلى جماعات مسلحة هناك".

وأضاف أن هشام بالرابح وسمير الدريدي نالا أحكاما بالسجن لمدة 7 سنوات، بينما تمت معاقبة بقية أفراد المجموعة بالسجن من عام إلى 5 أعوام.

read more "تونس تسجن 7 بتهم التخطيط للالتحاق بالقاعدة في الجزائر"

عندما تتحول بعض المواقع التونسية الى شبكة تحيّل و استبلاه

المدة لخرة كثرت المواقع التونسية بجميع انواعها، منها الاخبارية و الرياضية و الي حتى لاهية بتركيبة الاطعمة متع الحوت و كثرة المواقع هاذي تُعتبر فخر لينا كتوانسة و كمستعملي للانترنات لانها تثبت تمكّن التوانسة من التقنية هاذي و فرضهم لانفسهم فيها....قلت فخر كان جا الهدف من المواقع هاذي هو نشر مضمونها الي تعملت لاجلو و اتباع حد ادنى من المصداقية و الشفافية في التعامل مع الاخرين و عدم اتباع اسلوب التحيل و الترهدين.

كلنا نعرفو انو المواقع تنجم تولي مصدر متع فلوس و تعود بالنفع المادي على صاحبها من خلال الاشهار الي يكون مقياس التعامل المادي على حسب عدد الزائرين للموقع و هذا حاجة باهية لانها تشجع المواقع على الاستمرارية و تدفعها للاحتراف، نحكي على المواقع الهاوية.

لكن حين يتحول الهدف الى ربح مادي على حساب المضمون و اتباع اساليب الاستبلاه و التدرويش فهذا ما لا اقبله شخصيا.

و اليوم جبتلكم عينة من المواقع متع الدروشة الي همها بالاساس المحافظة على العدد متع الزائرين و تحقيق الربح المادي بدل العمل على التمسك بالمضمون و التحسين

موقع tounsia 4ever


اكيد برشا منكم يعرفوه الموقع هذا و خاصة البنات لانو بالاساس موجه ليهم كيما يقول هو اي الموقع لاهي بكل ما يهم المرا و يساعدها في "تركيح جوها" و النجاة من العنوسة ربي يعفو.

المهم الموقع هذا كيما غيرو من المواقع يحظى بالاشهار و الدعم كيما تنجمو تشوفو في الصورة تدعمه فيه الشركة الحنينة "سلكتا"، و بالتالي فانو الموقع هذا يلاقي في تشجيع "حاجة باهية"رغم انو موش يقدم في المطلوب منو وهذا بشهادة المشتركين فيه.



حيث انو الانسة هاذي تتشكى من عدم "الفنكسيونمون "متع الخلطة العجيبة الي يقدمها الموقع و هنا منيش باش نحكي على مضمون الموقع بالرغم انو يعتمد برشا حكاية قص و لصق و الفوسكا من المواقع الاخرى هذاكة موضوع اخر ميهمناش فيه.

المهم انو الموقع هذا الي خلى الانسة معلقة و بعثها في ساشي كحلة و ماجاوبهاش و ماحاولش انو يقدم بديل و الا يتعاون مع المسألة و يرضي زوارو. و بلوغة اخرى كي شمها الناس بدات تفصع عليه و ماتهد عليه كان البزناسة و الذكورة و عشاق الصيد في القلت و تنجمو تمشيو لصفحة و تشوفو بعينكم تو تلقاو افواجا من الجموع الي ترقد نساها و تشد النات، عاد قلنا انو الموقع هذا كي بدى يشم فيها تقراس و الخبزة و باش طير قرر يعتمد طريقة جديدة تخليلو السيت متاعو كا"لكار" الصفرا دزني و ندزك.

المشرفين متع الموقع طيشو الخلطات السحرية الكل و مواد التجميل و جابو فكرة عبقرية:
عملو صفحة عالفايس بوك اسمها نجوم الليل 2 نسبة للمسلسل نجوم الليل الي لقى نجاح كبيرو تعرض في رمضان و بداو يهبطو في هاو شوقي و هاو مروى و ها ماني يا روما ويلموا في اك الولايا الي ناقصة حنان و طايحة مونك والي كلها تستنى في واحد كيما شوقي يغنيلها "سامحتك خلاص"


كيما تشوفو في الصفحة نوعية الاسئلة: من نوع ياخي مسلسل مكتوب متاعنا ؟ياخي علاش شوقي عمل هكة ؟تو انتي في بلاصة شوقي تعمل كيفو ووو من الاسئلة البيدونة الي حتى سمير الوافي معاتش يسألهم لكن للاسف النوعية التافهمة متع التسطيح و الشعوذة و الدروشة الي هي تستقطب الناس و تخليهم يهدو افواجا المهم موش هذا موضوعنا.

عاد كيما قلنا تلاحظو في الصورة الي ثمة رابط يقلك ايجا نتناقشو هنا و الرابط هذا يهزك طول للفروم متع الموقع و بالطريقة هاذي يتمكن الموقع هذا من تحقيق نسبة زوار كبيرة بوبلّوش من غير تكسير راس و الا كوبي كولي والا خلطات، فقط زوز اسئلة بهومية و سطرين وسيب الشعب يسرح. و كونو النقاش ميكونش عالفايس بوك على خاطر هذا الاخير ما ينجم يعطيهم كان الشبّ في مادتو الخام دليل على كلامي:

هاو "cliquez içi" وين تهزك مباشرة للفروم متاعهم

تو يقول القايل وين المشكل السيد يحب يربح هو حر؟ صحيح هو حر لكن طريقة الاستبلاه و الاستغلال و الركوب على نجاح انتاج الغير هو الي موش مقبول، اضافة انو الموقع لازم يكون همّوالاول المصداقية و التمسك بالمضمون و يكون هذا الاخير هو الهدف متاعو موش الربح المادي.

ما يزيش نعانيو في اعلام رسمي بودورو نوليو نعانيو في اعلام الكتروني اخر انتن منو و اكثر انتهازية.
read more "عندما تتحول بعض المواقع التونسية الى شبكة تحيّل و استبلاه"

2010-10-05

سحافي أو مدوّن .. عزّ نفسك تصيبها






من الحاجات الخايبة اللي موجودة في الانترنات هي أنها، كيف ما تعطي فرصة للناس باش يفسّرو ظاهرة والا يعبّرو على موقف بشفافيّة،  فإنها كذلك تمكّن بعض "السّحافيّين" (وموش صحافيّين، خاطر شتّان بين الخرى والثريّا) باش يغالطو الرأي العام، خاصّة وقت اللي يلقاو شكون يروّجلهم الهذيان متاعهم على نطاق واسع.


عاد اليوم طُحت بالفيديو متع سي "السّحافي"  هذا في صفحة تونيزي (هاك اللي فيها 400.000 بشر)، ومشى في بالي اللي باش يحكي على "محاولة شراء ذمم المدوّنين التوانسة" كيف ما كتب المشرف على الصّفحة في وصف الفيديو (ربّي يهديك يا عُمدة)، فما راعني إلاّ أن السيّد يحكي في ساتيليت آخر جملة، والأغرب هو أنّ المعلّقين سيّبو المغالطات الخطيرة اللي حكاها على المدوّنين في الفيديو وشدّو في المساطة متاعو (وهو من حقّهم بصراحة)، عاد قلت بما أنّي عندي فكرة ماهيش دونيّة على البلوغسفار التّونسي، قلت برّا نكتب ها الكلمتين فمّاش ما يفهمو الحكاية وما فيها.

ينطلق الفيديو بنعت ردود الآراء اللي صارت مؤخّرا حول تصريح آمال السماوي بأنّها شبه-جدل. بالطبيعة ما ينجّم يقول كان أنّها شبه جدل خاطرو: (1) هو اللي عمل هاك الحوار مع آمال السماوي اللي استقرصت من انتقادات المدوّنين لموقع شمس آف آم، (2) خاطر بالنّسبة ليه ولبعض السّحافيّين اللي يكتبو في مواقع السّنوبيزم  كيف تونيسكوب وتونيفيزيون وبيزنس نيوز ما يتسمّى جدل كان وقت اللي هوما يكتبو عليه و (3) خاطر الحكاية فيها فلوس (وهي عكس حالة المدون اللي يكتب لروحو والا لغيرو).

عاد سي السّحافي قاللك كلمة "بيناتنا فلسة" تمثّل "فرصة للمدوّنين باش يخمّمو ويشوفو البوزيسيون متاعهم في المشهد الإعلامي" وقال اللي هو مدوّن باعتبار أنّ أورونج أوّل ماجات لتونس عطاتو باش يجرّب الـ 3جي. (شخصيّا أوّل مرة نسمع اللي هو مدوّن خاطر عمري لا ريتو ولا قريتلو في حتّى مجمع تدويني).

وهنا عاد يبدا الشّوطان اللي قاعدة: قاللك المدوّنات التّونسية المعروفة متخصّصة في كل ماهو اعلاميّة وتكنولوجيا وانترنات وتاليفونات! بالله شوفو معايا هنا وهنا والاّ اسألو شكون متبّع المدوّنات التّونسيّة قدّاش فمّة من واحد "معروف" يكتب على الحكايات هاذيكة! ثمّ يا أخي هل يعني كون حكاية ما تعنيكش أنّها ما تعنيش "الجّماهير"؟ علاش ياخي حطّوك ناطق باسمهم والاّ هذا الكلّ تجوعيب على الخلق؟ معناها في أقلّ من دقيقة قلبت منظر البلوغسفار التّونسي وخرّجتهولنا كيف نهج أثينا والاّ هو المنصف باي؟

توّة نجيو للمدوّنات التّونسيّة "الأخرى"، اللي هي حسب نظريّة السّحافي "المدوّنات اللي ماهيش متخصّصة في الاعلاميّة": قاللك المدوّنات هاذي قاعدة تطيح بالوحدة بالوحدة، وكأنّو شامت، وقال "من غير ما ندخلو في التفاصيل". تعرفو ماهو علاش ما يحبّش يدخل في التّفاصيل؟ خاطر التّفاصيل هاذوكم هوما اللي يعطيوك الصّحيح حول التّدوين في تونس، خاطر فمّة ناس وصلت شدّت الحبس على خاطر فكرة عبّرت عليها في مدوّنة، معناها يا سي "السّحافي" في عوض ما تشيخ على المدوّنات التونسية كيفاش قاعدة تطيح، برّا أحكي في موقع الـ "بيبول" متع عروفاتك على الرقابة والحجب في تونس، أعمللنا ريبورتاج على عمّار 404 كيفاش يخدم وقدّاش يخلص فمّاش ما تعمل سكوب يخرّجك من الميزيريا اللي عايش فيها.

بحيث لوكان الكلام هذا قالو انسان بعيد على ميدان الصّحافة والإعلام يمكن نقولو صغير وما يعرفش، لكن وقت اللي واحد يقدّم في روحو على أنّو "سحافي" و "مدوّن" في نفس الوقت، ويعمل روحو ما في بالوش بواقع الاعلام في تونس وخــــاصّة الإذاعات الخاصّة وشكون امّاليها، وقتها نفهمو اللي هو ما يكون كان يلوّج على "برونزاج" وعمل الفيديو هذا كمحاولة منّو باش ينطّر بلاصة في "سمش" آف آم بعد مافهم اللي صعيب ياسر أنّك تكون راجل وتاكل الخبز في نفس الوقت... ركّزو مليح انطلاقا من الدقيقة 12 و30 ثانية باش تفهمو الفيديو علاش تعمل من أصلو.

والسلام عليكم ورحمة الله وبركاته

read more "سحافي أو مدوّن .. عزّ نفسك تصيبها"

ستاد7 ... إعلام النفاق مرة اخرى


"نبحث عن الحقيقة و لا نريد سوى الحقيقة"،هذا هو كان شعار بلاتو ستاد سبعة و الذي يبدو غريبا و غير مألوف في ظل اعلام يفتقر الى ادنى مقومات النزاهة و الاحترام.





نريد الحقيقة و الفيديو الذي سننشره سيبيّن اعتداءات الامن المصري الوحشي على ابنائنا الطيبين الذين لم يضربو احد رجال الحماية الى الموت و الذين لم يشعلوا الشماريخ و حاشا ان يكون احدهم قد استهلك الخمر قبل دخوله الملعب.

مفارقة كبرى عندما تدّعي قناة ندفع من جيبنا الخاص لتمويلها البحث عن الحقيقة هكذا فجأة بعد سنوات من القمع و الاستبلاه و الكذب و التلفيق و الاخفاق.


مفارقة كبرى ان هذه القناة التي اصبحت مرتعا لشركات الانتاج التي تجني ارباحها من خلال طرح القضايا المثيرة للعواطف و التي تستقطب المراهقين و تقدم شعبنا على انه شعب يعاني من الكبت و لا هم ّله سوى اشباع نزواته سواءا كانت جنسية اوغيرها.


ستاد7 الذي صار فجأة ينبذ العنف و ينحاز الى الجماهير البريئة هو نفسه الذي طالما تعرض لنفس الجماهير التي يدافع عليها اليوم بالشتم و السب و تلقيبهم "بالهمج "و" الدخلاء"، بل ذهب اكثر من ذلك حين اعلن براءة الرياضة منهم.


ستاد7 وهو ينشر الفيديو الذي كان فيه رجال الامن المصري يحاولون السيطرة على الموقف معتمدين كل السبل حتى لا يتحول الستاد الى ساحة قتال معتبرا ان الامن المصري هو من بدأ الاستفزاز وماحدث "امر طبيعي" و ردة فعل.


ستاد7 الذي بدأت نظرية المؤامرة تأخذ لها مقعدا في بلاتو تصويره يرى ان حسني مبارك لم ينم ليلة المبارة بل ظل طيلة الليل في مجلس وزاري مغلق يتشاور هو وزارئه حول طريقة لاستفزاز الجماهير التونسية.

و بالتالي فاننا امام امرين: اما ان يكون ستاد7 ابلها لدرجة تصديق ما ينشره او انه يستبله كل عاقل بقي في هذه البلاد.

و لنا الحق في ان نتساءل ....الا توجد تجاوزات في ملاعبنا ؟الا يستعمل الامن القوة ؟بل احيانا يفرط فيها فلا تميز بين صغير او كبير او امراة او رجل و لقد كنت بنفسي حاضرا على احد اعمال العنف التي قام بها الامن.

اذا لماذا لم نرى شعار البحث عن الحقيقة في بلاتو ستاد7؟ بل بالعكس كان العنف مبررا و هنا اتحدث عن العنف الامني بغضّ النظر عن شرعيته او عدمها فذاك موضوع اخر

ولماذا لم نرى فيديوات تصور الاعتداءات الامنية الى على صفحات الفايس بوك ؟ام ان الامن التونسي فقط يحق له استخدام العنف لسيطرة ؟



الجواب بسيط وواضح فبرنامج ستاد7كغيره من برامج الشركة المسيطرة على قناتنا الوطنية لا يبحث عن الحقيقة و انما هي كلمة حق اريد بها باطل و هدفه الاساسي الاثارة و الاثارة وحدها هي مايحقق الربح في ظل شعب يسيل لعابه لمثل هذه التفاهات.


كان حريّا بستديو 7 ان يهتم بمهتمه و يلتزم بالتحليل الفني و يترك المسألة الامنية لاهلها فالمنشّط و المحامي لم يكونا حاضرين حتى يقررّا من يلزمه التدخل في مثل هذه المسائل.




read more "ستاد7 ... إعلام النفاق مرة اخرى"

الأمّ البريطانية الهاربة من طفليها تعود إليهما بعد زواجها في تونس

ويندي بادوش صحبة زوجها التونسي وجدي الجّويني

ذكرت صحيفة ذيس إيز غريمسبي البريطانيّة المحليّة أنّ الأم التي أثارت ضجّة إعلاميّة في بريطانيا بعد تركها لإبنيها الصّغيرين في رعاية جدّتهما لتهرب وتتزوّج تونسيّا قد عادت إليهما أوّل أمس الأحد.

وكانت ويندي بادوش التي تبلغ 26 عاما قد سافرت إلى تونس في عطلة تدوم أسبوعا خلال شهر جويلية الفارط، تاركة ابنتها ناتاشا (8 سنوات) وابنها ديلان (5 سنوات) في رعاية والدتها بيريل بادوش في مدينة غريمسبي البريطانيّة.


وقد مكثت في تونس بعد أن تزوّجت من التّونسي وجدي الجويني (21 عاما) يوم 22 جويلية 2010، الأمر الذي جلب لها تسمية "أسوأ أمّ في بريطانيا" على أعمدة الصّحف البريطانيّة.

وقد تزامنت عودة ويندي إلى بيتها مع عيد ميلاد ابنها ديلان السّادس، وقالت والدتها بيريل (59 عاما) أنّها لم تعد تتحمّل اهتمام وسائل الإعلام بابنتها، مضيفة أنّهما (هي وابنتها) لا ترغبان في الحديث عن الأمر بعد أن تهافتت عليهما الإتصالات من الصّحف والمجلات والمواقع الالكترونية طيلة أسبوع. 

كما حضر لقاء ويندي بابنيها من جديد طاقم صحيفة الدّايلي ميرور الذين تمكّنو من تحديد محل اقامتها في تونس الأسبوع الفارط. وقد أخبرتهم أنّها "اشتاقت لابنيها كثيرا وأنّها لم تقصد تركهما كلّ تلك الفترة، وأنّها ارتكبت خطأ فادحا"، مضيفة أنّها ستعود إلى تونس في شهر نوفمبر المقبل للاحتفال بعيد ميلاد زوجها التونسي، وأنها ستأخذ معها الطفلين هذه المرّة.

read more "الأمّ البريطانية الهاربة من طفليها تعود إليهما بعد زواجها في تونس"

صور من الاعتداءات الامنية المصرية على جماهير الترجي و شهادة احد الحاضرين










عن شاهد عيان

انا وصلت القاهرة يوم الخميس و كانوا المصريين روعة معانا بدون اي مغالطات استقبال اكثر من رائع ظروف امنية ممتازة كل شيء كان ممتاز و في المستوى



و حتى مثلا لما ندخل للمعالم السياحية لمصر يكون في اثنين اسعار سعر اجانب و سعر مصريين الاهرام مثلا الاجانب 60 جنيه و المصريين 2 جنيه كانوا يحسبولنا سعر المصريين و كل معلم نزوروه نفس الشيء



و يقولولنا انتوما التونسيين مثل المصريين بالضبط الأمور مثل ما قلت كانت عال العال خلوونا بحريتنا خان خليلي ليلة المباراة كانت كلها مكشخين في القاهرة نحوسوا بمراويل الترجي و لا شخص يكلمنا غنينا و لا شخص كلمنا



يوم المباراة جماهير الترجي متجهين مع جماهير الأهلي للملعب مع بعض و نضحك عادي في حتى جماهير تغني قدام الستاد و لا جمهور كلم الأخر انا شخصية كنت في حافلة و كنا موش مغطيين النوافذ و كنا نحي بعضنا البعض و نفس الشيء عادي و لا شخص كلم الاخر بالعكس كنا نضحك و نتكلم الدخول للملعب كان عادي رغم انوا التفتيش كان كبير لكن ماكانش تفتيش استفزازي



في الملعب بدأت الأمور تنقلب عدم وجود ماء صالح للشراب كانت اول الأمور التي بدأت تسبب المشاكل بدأت المباراة و كان كل شيء عادي إلى ان جاء الهدف الأول



وقتها بدأت المشاكل و بدأت الإستفزازات من جماهير الأهلي الموجودة في المدرج الجنوبي باستفزاز جماهير الترجي إلي زاد الحدة



جماهير الترجي كانت في خط واحد مع لقطة الهدف



ل لك اغلب جماهير الترجي شاهدت انوا الاعب لعب الكرة بيده رغم انوا الحكم المساعد كان في نفس الخط مع اللقطة



و كان اللوم على الحكم المساعد من خلال تكسير بعض الكراسي



و مع عدم اعطاء كارت احمر للاعب الأهلي



انتهى الشوط الأول و كان كل شيء عادي



بين الشوطين الشرطة المصرية رمات بومب ا غاز ( غاز مسيل الدموع )



على احد جماهير الترجي بدون حاجة



هي ما كانت تقصده هي كانت تقصد تفريق الجماهير



جاءت في وجه المشجع



و حرقت تقريبا نصف وجهه



بدأ الشوط الثاني و بدأ الحدة اكثر بعد عدم تصفير ضربة جزاء لمايكل جاء الهدف الثاني ثم اشعلت جماهير الترجي الشماريخ الحاكم المصري غضب غضب كبير و اطلق الغاز مسيل الدموع على جماهير الترجي و دخل حاكم المصري في ضرب جماهير الترجي الحاكم لم يقدر اي شخص كبير صغير مرأة رجل كل واحد قداموا يضرب و بقوة مجزرة باتم معنى الكلمة جماهير الترجي طلعت فوق و حاولت الخروج فوجدت جمهور الأهلي يضرب في جماهيرنا بالحجارة



بمعنى اخر العدو ورائكم و البحر امامكم



جمهور الترجي كان ما عندو الا حل واحد



هو الدفاع عن نفسه



فحصل الي حصل



و حصلت عديد الاصابات من الطرفين



بعد هدف الاول للترجي رجعت الجماهير للمدرج و بعد نهاية المباراة رجعت الاشتباكات



حصرونا في مساحة صغيرة 6000 واحد و سيبوا الغاز و بدوا يضربوا و ما يهمشي



اصابات عديدة في جمهورنا بقينا محصورين 3 ساعات بعد اللقاء



من قبل الشرطة و جماهير الأهلي و حاكم مصر يحجر فينا



و بقيت جماهير الأهلي تتنتظر فينا خارج لمدة 3 ساعات لما راحت الجماهير خرجنا فوجدنا حافلاتنا تكسرت من قبل جماهير الاهلي



بعد روحنا نحو المطار بدون اي مشاكل سوى بعض الاستفزازات في الطريق



ها ي قصة ما حصل البارحة بالضبط و ممكن تنتظروا رد الياس و محسن قريبا بعد يومين



اللي راح يؤكدوا كلامي



انا كنت قاعد معاهم



المهم يا جماعة



حرام الي الكلام اللي قاعد يتقال على الناس الي كلات الضرب و كلات طراحة



جمهور ما كان عندو اي حل من كل مكان محصور



الحالة في الملعب كانت يا تضرب يا تتضرب



و بالطبيعة اغلب الناس قررت انها تضرب



يا جماعة راهم يقولوا علينا بربر و كلاب و حيوانات و همجيين و عديد الأمور



رغم اننا كنا في حالة دفاع عن النفس



يا جماعة بالله خليونا نوضحوا القصة الحقيقة و الله حرام الي صاير يغالطوا فيكم استنوا ترجع بقية الناس من القاهرة و راح تعرفوا القصة الحقيقة و انا في الليل تو نحطلكم تصاور صورتها تؤكد كلامي بالله يا اشراف تفهموا رانا مظلومين و الله مظلومين صحيح شوية من الحنة و شوية من رطابة الييدين لكن موش معقول انوا 8000 شخص يخلصوا على 20 عبد شعلوا فلامات راهو الرد كان عنيف برشا اللي يحزن هو انوا دوب ما صارت المشاكل المسؤوليين في الترجي و المقربيين من الهيئة جبدوا رواحهم و مشاو للمنصة و خلوونا نحنا في راس المدفع يا ليت تتفهموا يا جماعة
read more "صور من الاعتداءات الامنية المصرية على جماهير الترجي و شهادة احد الحاضرين"

النيابة تقرر حبس 11 مشجعا تونسيا 4 أيام بتهمة الاعتداء على رجال الشرطة

أمرت نيابة حوادث شرق القاهرة بحبس 11 مشجعا تونسيا 4 أيام على ذمة التحقيق في واقعة الاعتداء على 13 من رجال الشرطة بينهم 8 ضباط.

ووجهت النيابة للمتهمين تهم الاعتداء على موظفين عموميين، وإحداث تلفيات بمنشآت عامة وطلبت النيابة عرض المصابين على الطب الشرعي لبيان ما بهم من إصابات، يباشر التحقيق المستشار «مصطفى خاطر» المحامي العام لنيابات شرق القاهرة.

ونفى المتهمين أمام النيابة التهم المنسوبة اليهم، كما استمعت النيابة للمصابين الذين أكدوا وقائع الاعتداء وتعرضهم للضرب باستخدام طفايات الحريق ومقاعد الاستاد.

واستمعت النيابة أيضا إلى أقوال 28 شاهدا أكدوا تعرض رجال الأمن للاعتداء والضرب، وقرر «جمال رحباني» رئيس النيابة تشكيل لجنة من استاد القاهرة لحصر التلفيات بعد انت تلقت تقريرا مبدئيا بتلفيات قيمتها 150 ألف جنيه.

من جهة أخرى ألقت الأجهزة الأمنية القبض على 2 من مشجعى فريق «الترجي» شاركوا في وقائع الاعتداء قبل صعودهما إلى الطائرة ومغادرة البلاد.

المصدر

read more "النيابة تقرر حبس 11 مشجعا تونسيا 4 أيام بتهمة الاعتداء على رجال الشرطة"

2010-10-04

بعد الفتنة الطائفية الفتنة الكروية: هذا هو حال الشعوب "الفاضية شغل"




شهد ستاد القاهرة الدولي امس احداث شغب في المبارة التي جمعت بين الاهلي المصري و الترجي التونسي حيث قامت مجموعة من جماهير الترجي بالاعتداء على الامن المصري داخل الستاد على حد وصف مدير امن ستاد القاهرة و التي ايضا حسب وصفه كانت مخمورة و قامت بالقاء الشماريخ التي ادخلتها الى الملعب عن طريق اخفائها في امكان حساسة من اجساد البنات اللواتي حضرن المبارة في اشارة الى مسؤولية الجماهير التونسية عن اندلاع اعمال الشغب.


الا ان محبي الترجي برروا اعمال الشغب بانها جاءت كرد طبيعي على استفزاز الامن المصري لهم كما يظهر الفيديو الاستعمال المفرط في القوة من قبل رجل امن حيث استعمل في محاولة لسيطرة على الجماهير الغاضبة عبوة اطفاء و هو ما استفز الجماهير فاندفعت افواجا لتردّ الصاع صاعين.






كما تسرّبت انباء لم ترتبط بتقرير رسمي عن وفاة رجل الامن الذي يظهر في الفيديو و بناء على هذا الخبر الذي لم نتاكد من صحته بعث مجموعة من المصرين صفحة على الفايس بوك تتطالب بحق "العسكري الغلبان الذي قُتل على ايد التونسين" حسب وصف القائمين على هذه المجموعة و تطالب الحكومة المصرية بالتدخل واخذ حق العسكري الغلبان و تصفها بالتخاذل. و قد تمكنت هذه المجموعة في بداية بعثها على الفايس بوك من جمع 4000 مشترك اغلبهم مصريون و قلة من التونسين حيث تحولت في وقت لاحق من مطالبة الحكومة بالتدخل و التحقيق في مقتل العسكري الى ساحة من المعارك و كيل الشتائم دون ان ينسى باعثوها العزف على جرح المباراة السابقة بين مصر و الجزائر و ما تبعها من احداث خطيرة و مؤلمة.

و تجدر الاشارة إلى ان هذه الاحداث و ما تبعها من رد فعل تتزامن مع حراك سياسي متصاعد يشهده الشارع المصري حول إشكاليّة التوريث و استفراد الحزب الوطني (الحزب الحاكم في مصر) بالحكم و تتالي التجاوزات الامنية من قبل الداخلية المصرية المتهمة بالتستّر على مقتل الشاب خالد سعيد الذي راح ضحية اعتداء بوليسي بمدينة الاسكندرية منذ اشهر و غيره فيما بات يعرف بضحايا قانون الطوارىء.

و قد علق أحد شباب حركة 6 ابريل المصرّية على الموضوع واصفا اياه بالتّافه وبأنه من شانه ان يشوّش التركيز على القضية و يحول المعركة الاساسية الى معركة ثانوية لن يجني منها المصريون الا خرابا و مزيدا من الانعزال عن المحيط العربي و تكريسا للديكتاتورية القائمة هناك على حد وصفه.

و من الواضح جدا أننا اليوم قررنا استبدال الفتنة الطائفية بالفتنة الكروية كحال كل الشعوب "الفاضية شغل".
read more "بعد الفتنة الطائفية الفتنة الكروية: هذا هو حال الشعوب "الفاضية شغل""