2012-12-26

اتصالات تونس ...مرحبا بك في زمن القطعية

التلكوم,وما ادراك مالتلكوم خويا التونسي أسرع من البرق سيرتو في القصان و البومقص ,و أبطأ من الفكرون في "سرفيس"التلكوم الي تقص عليك قبل ما تخلطلك الفاتورة تقولش الحكاية بشماتا وحاطين عساس عند راسك شادد "بوطون" وعاملينو بالذمة ليك 
   التليكوم اول شركة اتصالات تتعامل بمنطق الباندية وشعار استهلك و الا طير قرنك  وبرتون "الليني"متاعها  فإنها متعبش روحها باش تقلك جا وقت الخلاص و كينو عاملة ليني باش تقصو على لعباد وتذل به خلق ربي 
كان جا القصان كيما السرفيس رزين راو واحد قال عادي بقلة ليها اما هاذي يا رسول الله تقولش تسخايل الناس توحي تقص وبعد تبيت الحس وترقد حلفة لين انتي هكة يهديك ربي تكلمهمش تقول نجسهم خلي نشوف شنية الحكاية و برا عاد اذا كلمتهم لا تاخو لا صرف لا عدم و تقولش عليك قاتل روح يكلم في قاضي تحقيق شتحب ؟ شبيك ؟وبعد يقلولك راك مكش خالص 
تقلولهم مجاتنيش فاتورة يهديكم يقلولك امورك يعجبكش يوليش واحد هو شادد الحساب ويرشم بالطباشير جاب ربي الجواب الي يبعثوه على حساب المواطن 
هاذي هي شعارهم تشيح ريق المواطن و تبحيح صوتو و حرقان اعصابو يحبو يخدمو طبة الاعصاب شوية ..و انها لثوة في كابلوات التليكوم حتاش لين يتسرحو ويولي سرفيس محترم 


titof
read more "اتصالات تونس ...مرحبا بك في زمن القطعية "