2011-03-11

باعث القناة فهمكم .. إيه نعم .. فهمكم

أيّها الشّعب التّونسي

نكلّمكم اليوم .. ونكلّمكم الكلّ .. في تونس وخارج تونس .. نكلّمكم بلغة كلّ التّونسيّيين والتّونسيّات

نكلّمكم الآن لأنّ الوضع يفرض استغلال .. نعم استغلال .. استغلال فاحش وشامل. 

وأنا فهمتمكم .. إيه نعم أنا فهمتكم .. وفهمت الجّميع: النبّار .. والنّاقص حنان .. واللي ما عندو ما يصنع .. واللي طالب مزيد من النّواح والغريد.

فهمتكم .. وفهمت الكلّ .. لكن الأحداث اللي جارية اليوم في بلادنا ماهيش متاعنا .. والتّفكير في السّياسة موش من عادات التّونسي .. التّونسي اللي يتبّع في قناتي .. التّونسي اللي يبعث في الميساجات باش يربح فيات بونتو والاّ برطمان بزوز بيوت.

التّفكير موش متاعنا .. ولاهو من سلوكنا .. ولا بدّ أن يتوقّف التيّار .. يتوقّف بتكاتف جهود الجميع:  وليد الزرّاع .. هالة الذوّادي .. عبد الرزّاق الشّابي .. حسن الشّارني .. نبيل القابسي .. سحفيّين .. مشعوذين .. اليدّ في اليدّ .. من أجل قناتنا .. اليدّ في اليدّ من أجل تبهيم كلّ أولادنا. 

سيكون للبرامج اللي أعلن عليها اليوم استجابة لمطالبكم .. اللي تفاعلت معاها .. وتألّمت لما حدث شديد الألم. 

جوعي ونهمي كبيران .. لأنّي قضيت أكثر من خمسين سنة من عمري في التبلعيط .. في مختلف المواقع .. وسبع سنوات على رأس القناة .. وكلّ يوم من حياتي كان ومازال ضدّ الإعلام التونسي .. وقدّمت المغالطات .. وما نحبّش نعدّدها .. الكلّ تعرفوها .. وما نقبلش باش أيّ مخّ تونسي يخدم دقيقة واحدة.

تألّمنا لصعود ناس تفهم في السّياسة .. وأنا نرفض أن يصعد المزيد بسبب تواصل اليقظة.

 أولادنا اليوم في الانترنات .. وموش يتفرّجو في حنّبعل .. وهذا حرام .. وعيب .. لأنّنا أصبحنا خايفين عليهم من مجموعات الفايسبوك .. هذا إجرام .. وموش إعلام .. وهذا حرام .. والمواطنين، كلّ المواطنين .. لا بدّ أن يقفوا أمامهم .. واحنا عطينا التّعليمات ونعوّل على تعاون الجميع حتّى نفرّق بين هذه المجموعات من الفايسبوكيّين الذين يستغلّون الظرف .. وبين برامجنا التّبهيميّة التي لا نرى مانعا فيها.

وأسفي كبير .. أسفي كبير وكبير جدّا .. وعميق جدّا .. عميق جدّا .. فكفى نقاشا .. كفى نقاشا .. وعطيت التعليمات كذلك وكرّرت .. واليوم نأكّد: يزّي من اللجوء للحاسوب .. الحاسوب موش مقبول .. ما عندوش مبرّر .. إلاّ - لا قدّر الله - إذا حدّ حاول يفكّلك جهاز التحكّم عن بعد متاعك.

وزيادة على ذلك .. أذنت بالتخفيض في أسعار الإرساليّات القصيرة .. والمكالمات الهاتفيّة نحو القناة متاعي .. أمّا المطالب الإعلاميّة فإني نقوللكم: أنا فهمتكم .. إيه نعم .. أنا فهمتكم .. التفاهة الشاملة لكلّ برامج القناة .. وغلق جميع مواقع الانترنات .. ورفض أيّ شكل من أشكال البروكسي .. مع الحرص على اهمال أخلاقيّاتنا ومبادئ المهنة الإعلاميّة.

مع الحرص كذلك على استعمال الانترنات المؤطّر والمنظّم .. شابّ أو شايب يريد انشاء صفحة أو مجموعة .. يتفضّل .. لكن .. يعلم بيها .. ويحدّد وقتها ومكانها .. ويعلم جماعتي بيها للمحافظة على طابعها التجهيلي.

نحبّ نأكّد أنّ العديد من الأمور لم تجر كما حبّيتها .. بكلّ صراحة .. وخصوصا حكاية الطّفلة سارّة والطّفل منتصر .. غلّطوني أحيانا .. أنا موش شمس باش نزرق ع كا جراب كامل تو تو تراب الجمهوريّة .. وسيحاسبون .. نعم سيحاسبون.

ولذا أجدّد لكم .. وبكلّ وضوح .. راني باش نعمل على دعم البهامة .. على دعم البهامة .. وتفعيل الجّهل .. نعم .. على دعم البهامة وتفعيل الجّهل .. وسأعمل على صون حسابي البنكي .. ومزيد تعبئته.

عاشت القناة .. عاش باعث القناة .. والسّلام عليكم ورحمة الله وبركاته.



25 تعليقات:

تعليق آركول ...

Fort, Bravo

11 مارس 2011 11:27 م

تعليق غير معرف ...

vraiment yakwa 3likom kaaaaaan Rabbi!!
mais 7louwa tbayen elli chabbab touniss dima fayak

11 مارس 2011 11:33 م

تعليق غير معرف ...

chapeau bas, très bel article

11 مارس 2011 11:38 م

تعليق غير معرف ...

قوية ياسر !!

11 مارس 2011 11:41 م

تعليق غير معرف ...

hhhhhhhhhhhhhhhhhhhhhh

11 مارس 2011 11:49 م

تعليق غير معرف ...

9wiya barcha bravo

11 مارس 2011 11:51 م

تعليق غير معرف ...

bravoo ey n3am bravooo

11 مارس 2011 11:56 م

تعليق غير معرف ...

الله يقطع خبزتهم قنوات منحطة إعلامياً قسماً بالله ما تفرجت فيها كان على خطاب بن علي وقت ثورة

11 مارس 2011 11:57 م

تعليق غير معرف ...

شكرا عمي العربي "غصرة" زيد بربي كلم عمتي ليلى و قوللها السلاح الي بعتو لمرتزقة بن علي راهو قتل التوانسة و راهو الشرطة متاعها زادوهم في الشهرية على خاطر ساهمو بقسط كبير في تقتيل الناس .عمي العربي وقتاش باش تترشح لكرسي بن على للتسلط وقتلان التوانسة؟؟؟دمتم نقمة للبلاد.

12 مارس 2011 12:00 ص

تعليق غير معرف ...

hhhhh wala chnakraha 9anatou ou houwa

12 مارس 2011 12:02 ص

تعليق غير معرف ...

m3alm ya kouya ya3tik essa7a wallah

12 مارس 2011 12:26 ص

تعليق غير معرف ...

bravo mtanoucha , nsi7ti l'hannibal tv eni tsaker fi a9rab wa9t

12 مارس 2011 11:09 ص

تعليق غير معرف ...

http://www.facebook.com/pages/Anti-Arbi-Nasra/158505497532568

12 مارس 2011 3:57 م

تعليق ابن الشعب التونسي ...

على فكرة سي العربي نسيب واحد مالطرابلسية (محمد العادل خو ليلى) و حافظ درسو بالقدا.

12 مارس 2011 4:33 م

تعليق غير معرف ...

حنبعل، صوت البهامة

12 مارس 2011 5:59 م

تعليق غير معرف ...

الثورة التونسية كشفت الجميع امام الراي العام و قناة حنبعل واحدة من الرموز التي خاب فيها املنا...والاكيد انها خسرت الكثير من متابعيها...كانت محسوبة على حرية التعبير باعتبارها قناة خاصة...ولكن في اول غصرة واجهتها.......ارتمت في احضانهم واصبح ديدنها كسب الرضا.. رضا الاسياد وليس الشعب للاسف.

13 مارس 2011 12:38 ص

تعليق غير معرف ...

Je comprends la réaction après cette histoire de weld ezzin loooooooooooooooooooooooooooooooooool

13 مارس 2011 3:09 ص

تعليق غير معرف ...

Chapeau bas.

13 مارس 2011 1:26 م

تعليق غير معرف ...

العربي نصرة عاودو وقفوه تجبد في بحث الجماعة في قضية متع سلاح

14 مارس 2011 12:32 م

تعليق غير معرف ...

جماعة ادز في العجلة
انبطاحيين
يميلون مع الريح أينما مال
تافهين
يخدم لأجندة التجمع وليلى
و خاصة
برنامج فضاء حر
بالله كيفاش فضاء حر ينشط فيه واحد انتهازي من أعضاء مجلس النواب المنحل غريبا و الله

14 مارس 2011 1:38 م

تعليق غير معرف ...

9anete el3areeche tetwa93ou men wa7ede tajere sila7e kane elfetna fil blede

14 مارس 2011 2:20 م

تعليق غير معرف ...

زعمة وقتاش باش يفهم روحو ويلم قشو ويهرب

14 مارس 2011 10:07 م

تعليق غير معرف ...

برامج كانت ممنوعة...لم ننتظر 14 جانفى...صوت الشعب...ملا رويق بارد...الناس الكل فايقة برواندكم وتنوفقكم الماسط !!!!!!

15 مارس 2011 2:59 م

تعليق bouyahya ...

بارك الله فيك bien pensé bien dit

28 مارس 2011 9:33 م

تعليق غير معرف ...

برجولية...... برافو
باعث القناة ؟؟؟؟؟ متأثرين بالقنوات الخليجية: هاو باعث القناة قال... عمل ... عطى ... برقد... فاق ... . . . . . . . ،،،،

6 أبريل 2011 11:37 ص

إرسال تعليق