بعد نشره لفيديو توعوي على موقع فايسبوك: عمادة أطباء الأسنان تستدعي الطبيب سامي الماطوسي

قام فرع عمادة أطبّاء الأسنان بباجة أمس الجمعة باستدعاء الطبيب سامي الماطوسي على خلفيّة مقطع الفيديو الذي قام بتصويره في عيادته ونشره على موقعي فايسبوك و يوتيوب قبل أن يلقى رواجا كبيرا بين مستخدمي الموقعين في تونس.

و طلبت العمادة من الماطوسي أن يحذف المقطع لأنّه "يندرج ضمن الإشهار الممنوع" حسب تعبيرهم رغم أنّ ما جاء فيه ليس سوى نصائح عامّة للمحافظة على نظافة الأسنان تمّ تقديمها بطريقة مبتكرة و طريفة نالت استحسان أغلب من شاهدها. وأفاد الماطوسي في حسابه على موقع فايسبوك بأنّه حذف المقطع و اعتذر من زملائه، مؤكّدًا أنّ نيّته من وراء نشره لم تكن إشهاريّة و لا ربحيّة.

read more "بعد نشره لفيديو توعوي على موقع فايسبوك: عمادة أطباء الأسنان تستدعي الطبيب سامي الماطوسي"

وزير ليبي سابق يستعمل صورة زائفة للتشكيك في جدوى الحاجز الترابي التونسي

نشر الوزير الليبي السّابق للثقافة و الإعلام في حكومة طبرق "عمر القويري"  أمس في صفحته الرسميّة على موقع فايسبوك صورةً مفبركة حاول ترويجها لمتابعيه على أنّها للحاجز الترابي الذي أنشأته الحكومة التونسيّة على الحدود مع ليبيا قبل أشهر للحدّ من عمليّات التّهريب بين البلدين.

وأرفق القويري الصّورة بتعليق حاول من خلاله التّشكيك في الجّدوى من انشاء هذا الحاجز، قائلاً بأنّ المهرّبين استطاعوا تجاوزه باستخدام "قنطرة لوح لا تكلّف أكثر من 10 دينارات".

وبالبحث عن الصّورة في شبكة الانترنات، وجدنا أنّها التُقطت على الحدود الجزائريّة-المغربيّة و ليس على الحدود التونسيّة-الليبيّة كما يدّعي القويري، وهي موجودة منذ أواخر سنة 2015 على أكثر من موقع جزائري و مغربي.

تجدر الإشارة إلى أنّ هذه ليست المرّة الأولى التي يلتجئ فيها القويري إلى مثل هذه الأساليب الرّخيصة لمهاجمة تونس، ويبدو أنّ طرده من منصبه السابق بسبب افتراءاته المتكرّرة على هذا البلد سبّب له عُقدة مزمنة منه.

أمّا عن حديثه حول أنّ تونس "تُرسل الإرهابيّين" إلى ليبيا، فجديرٌ بالذّكر أنّ العناصر الإرهابيّة التي نفّذت هجمات بن قردان الفاشلة عُثر بحوزتها على جوازات سفر ليبيّة مزوّرة استعملتها في الدّخول إلى التّراب التونسي عبر البوّابات الحدوديّة وليس عبر الحاجز التّرابي. كما عُثر على جوازات مشابهة لدى العناصر التي قضى عليها الطّيران الأمريكي في مدينة صبراتة مؤخّرًا (والتي تكتّم رئيس بلديّة صبراتة على وجودها أكثر من مرّة)، وهو ما يُثير شكوكًا عديدة حول ما إذا كانت هذه العناصر تتلقّى دعمًا من جهات حكوميّة في ليبيا لمواصلة تدريبها و تسلّحها ثمّ ارسالها إلى تونس بهويّات ليبيّة مزوّرة.

ولا يُفهم إلى حدّ الآن سبب انزعاج القويري و غيره من السياسيّين داخل ليبيا من إقامة الحاجز الترابي التونسي ووضع حراسة عسكريّة مشدّدة عليه، رغم أنّ هذا الحاجز في مصلحة البلدين وساهم إلى حدّ كبير في ضرب عمليّات التهريب التي تورّط فيها تونسيّون و ليبيّون على حدّ سواء.   

read more "وزير ليبي سابق يستعمل صورة زائفة للتشكيك في جدوى الحاجز الترابي التونسي"

مُحامية مكرم المولهي تُكذّب خبر وفاته الذي نشرته افريقيّة للإعلام

كذّبت المُحامية إيناس حرّاث في تدوينة لها على موقع فايسبوك خبر وفاة منوّبها مكرم المولهي الذي نشرته صفحة "افريقيّة للإعلام" ودعت المشرف على الصّفحة إلى الإعتذار عن نشره.

وكانت الصّفحة قد نشرت  أوّل أمس الخميس في أربع تغريدات مُنفصلة ما مفادُه أنّ مكرم المولهي المعروف بكُنية "أبو الزّبير التونسي" قد توفّي في أحد السّجون التونسيّة بسبب المرض و التّعذيب.

وظنّا منهم بأنّه قد توفّي فعلاً، أكّد المشرفون على الصّفحة بعض التُّهم الموجّهة إلى المولهي فذكروا أنّه "كان من أوائل من حملوا السلاح و صعدوا قمم الجّبال وشارك في قتال بوليس و عسكر الكُفر" حسب تعبيرهم.

وخوفا من أن يفقدوا ما بقي لهم من مصداقيّة، قام المشرفون بحذف التغريدات التي أعلنوا فيها عن وفاة المولهي  لكن دون الإشارة إلى اسم المحامية أو رابط تدوينتها التي تكذّب الخبر، بل أشاروا إليها بهذه الصّيغة:

فقامت بدورها بحذف تدوينتها المصوّرة أعلاه و ردّت بنفس الطريقة: 

وتأتي هذه التّغريدات لتؤكّد حالة التخبّط الكُبرى التي يعيشها المشرفون على الصّفحة و عدم قدرتهم على الوصول إلى المعلومة الصحيحة بعد مقتل و اعتقال العديد من قياداتهم مؤخّرا، و من علامات هذا التخبّط نشرهم لتهديد لمسافري شركة الخطوط التونسيّة ثمّ حذفه، ومحاولتهم تبنّي حادثة بوشوشة التي يتّهمهم الكثيرون بنسج بيان تبنّيها من خلال هذا الفيديو الذي نُشر على يوتيوب قبل بيانهم بساعات. 

جديرٌ بالذكر أيضا أنّ أحد مُنظّري تنظيم القاعدة في بلاد المغرب الإسلامي و المعروف بكُنية "أبو الأشبال المغربي" نشر بيانا تبرّأ فيه من تهديد مسافري الخطوط التونسيّة و دعا فيه مشرفي افريقيّة للإعلام إلى نشر اعتذار عنه. البيان الكامل موجود على هذا الرابط.

كما نشرت حساباتٌ أخرى تابعة لكتيبة عُقبة بن نافع ما يُفيد بأنّها تتبرّأ من نفس البيان و أنّ ما نُشر فيه لا يُلزم إلاّ من نشره.

وكانت وحداتٌ أمنيّة قد ألقت القبض على المولهي  إثر مداهمة منزله في شهر جويلية الفارط في مدينة تاجروين، ومن بين التُهم الموجّهة إليه الإشراف على الإتّصال و الرّبط بين قيادات المجموعات الإرهابيّة المتواجدة في جبال الكاف و جندوبة و القصرين. 

read more "مُحامية مكرم المولهي تُكذّب خبر وفاته الذي نشرته افريقيّة للإعلام"

الباحث الفرنسي فانسون جيسير يفضح ممارسات التجمّعي نزار بهلول

نشر اليوم الناشط و الباحث في العلوم السياسيّة و الإجتماعيّة فانسون جيسير على صفحته الشّخصية في موقع فايسبوك شهادته حول ممارسات المرتزق المحسوب على الصحافة التونسية نزار البهلول والتي وصلت إلى التّحريض على العنف الجسدي عبر موقع "بيزنس نيوز" الذي يشرف على إدارته.

وننقل إليكم ترجمة شهادة جيسير من اللغة الفرنسيّة:

من التّهديد اللفظي إلى التّهديد الجسدي: ممارسات التّخويف تعود من جديد
تونس: بلطجيّة الأقلام و البلطجيّة الفعليّون

أدعو كلّ من لازال يشكّ في أنّ ممارسات النّظام القديم المافيوزيّة قد عادت من جديد إلى أن يفتح عينيه وأن يتملّى قليلا في ما يحيط به حتّى يلاحظ مناخ الكراهيّة الذي تحاول إشاعته بعض وسائل الإعلام الشعبويّة في تونس بمعونة من وكالات إتّصال لها ثقلها الإعلامي. وكما كان الحال في عهد بن علي - الذي أعرفه جيّدا - فإنّ العنف اللفظي دائما يأتي بعده العنف الجسدي. 

فبعد نشر المقال التّشهيري الذي كتبه نزار البهلول على موقع بيزنس نيوز، والّذي حاول من خلاله تصويري كمرتزق أجنبي، تلقّيت عدّة رسائل بدون إسم تحمل نبرة تهديديّة، كما هو حال الرّسالة التالية التي لم أغيّر فيها حرفًا:

"يا بقايا الإجهاض، إشتم كما شئت فقطر تدفع لك مقابل هذا، ولكن في اليوم الذي ستضع فيه رجلك في تونس ستندم على اليوم الذي وُلدت فيه"

هذه الرّسالة التي تهدّدني بالعنف الجّسدي جاءتني من شخص يسمّي نفسه منذر البربري و أنا لا أعرفه. وقد قرّرت نشرها حتّى أوضّح أنّي لن أخضع للترهيب. لم ينجح بوليس بن علي السّياسي في إسكاتي. منذ سنة 1995 و أنا أنشر بانتظام مقالات علميّة ومقالات رأي ومؤلّفات أكاديميّة عن الإستبداد في تونس، ولن ينجح البلطجيّة الذين يخدمون عودة حزب الّدولة البوليسيّة في إسكاتي. أنا أعتمد شعار المقاومة الديمقراطية و الثورية الذي رُفع في 2010 و 2011: لا خوف بعد اليوم.

فانسون جيسير

 يُشار إلى أنّ نزار البهلول هو أحد المرتزقة المحسوبين على الإعلام الذين ساندوا نظام زين العابدين بن علي إلى آخر يوم في عمر نظامه، واستمرّ بعد الثورة في التّطبيل لحكومتي محمّد الغنّوشي الأولى الثانية و حكومة الباجي قائد السّبسي التي أدارت البلاد قبل انتخابات 2011. كما عُرفت عنه شيطنة الإتّحاد العام التونسي للشّغل في تلك الفترة.

أمّا في الإنتخابات التشريعيّة و الرئاسيّة الأخيرة فقد لوحظت إستماتته في تلميع حزب نداء تونس ذي الخلفيّة التجمّعية و مرشحه الباجي قائد السبسي و استخدامه لموقع بيزنس نيوز لتشويه مترشّحين آخرين كالمنصف المرزوقي و سليم الرّياحي و الهاشمي الحامدي.

read more "الباحث الفرنسي فانسون جيسير يفضح ممارسات التجمّعي نزار بهلول"

ميليشيات التجمّع الإلكترونية تلاحق الصحفية وجدان الماجري بسبب انتقادها للسبسي وندائه

في مواصلة لهرسلة الأصوات التي كشفت حقيقة حزب "نداء تونس" ذي الخلفيّة التجمّعية و رئيسه الباجي قائد السبسي، و بعد الحملة العنصريّة التي شنّها المنتمون إلى هذا الحزب على النائبة في المجلس الوطني التأسيسي كريمة سويد بسبب انتقادها للسبسي وتاريخه المشبوه، شرعت نفس الميليشيات في تنفيذ حملة مشابهة تستهدف الصّحفية و النّاشطة السياسيّة التونسيّة وجدان الماجري بسبب مشاركتها في كتابة مقال على موقع Libération الفرنسي أشارت فيه إلى ارتباط الباجي قائد السبسي و مسانديه بشبكات إعلاميّة وماليّة و أمنيّة ساهمت في إشاعة مناخ من الذّعر في تونس و مهّدت لعودة نظام بن علي للسيطرة على مقاليد الدّولة من جديد.    

وكتبت وجدان الماجري في صفحتها الشّخصيّة على موقع فايسبوك: "جاء اليوم الذي أُشتَمُ فيه ويُقال لي في صفحتي "التجمّع سيّدك" و يُطعَنُ في شرفي ويتمّ نعتي بأحطّ الشتائم، وكلّ هذا لأنّني تجرّأتُ على انتقاد عودة الديكتاتوريّة". وأضافت "نحن نعرف أساليب حزب التجمّع، وكنّا نرجو أن لا نضطرّ إلى مواجهتها من جديد، ولكنّ البعض يرى عكس ذلك".     

كما خاطبت الماجري تلك الميليشيات قائلة "لن يخيفنا شيء أبدا، بل بالعكس، لن تزيدنا كراهيّتكم إلاّ قوّة و لن تزيدنا شتائمكم إلاّ إصرارًا. سينتهي الأمر بالديكتاتوريّة إلى مغادرة البلاد. ما يدفعنا لفعل ما نفعله هو مبادؤنا، وما يدفعكم لفعل ما تفعلونه هو انتهازيّتكم".

وكانت مواقع و صفحات معروفة بموالاتها لحزب التجمّع قبل يوم 14 جانفي 2011 و لنداء تونس بعده قد بدأت حملة التحريض على وجدان الماجري وبقيّة الصّحفيين الذين شاركوا في كتابة المقال منذ يومين، وعلى رأس هذه المواقع نجد موقع بيزنس نيوز الذي يملكه غلام الباجي قائد السبسي "نزار بهلول" و موقع Tunisie secret الذي يديره سفير بن علي السابق لدى اليونسكو "المازري حدّاد" و الذي نعت الشّعب التونسي بالحثالة و طالبه بالإعتذار له عن ثورته ضدّ بن علي في إحدى مداخلاته التلفزيونيّة المباشرة.    

وردّا على ما روّجته ميليشيات التجمّع حول انتمائها لحزب المؤتمر من أجل الجّمهوريّة، كتبت وجدان الماجري "لا أنتمي لحزب المؤتمر، ولستُ إخوانيّة ولا من اليسار الفرنسي، ولا عميلة لقطر. أنا تونسيّة إبنة تونسيّة أدافع عن بلدي من ديكتاتوريّتكم، ويا أحنا يا انتوما، والأيّام بيننا". 

رمزي

read more "ميليشيات التجمّع الإلكترونية تلاحق الصحفية وجدان الماجري بسبب انتقادها للسبسي وندائه"

جلال بريك: "محسن مرزوق أصبح يتجاهلني بعد فوز نداء تونس في الإنتخابات التشريعية".

صرّح جلال بريك في أحد مقاطع الفيديو الأخيرة التي نشرها على قناته بأنّ القيادي في حزب "نداء تونس" محسن مرزوق أصبح يتجاهله بعد فوز الحزب الذي دعمه بريك في الإنتخابات التشريعية الأخيرة.

وشنّ بريك في هذا المقطع هجوما حادّا على حزب الجّبهة الشّعبية الذي  كسب ما كسبه من أصوات "بدماء شكري بلعيد" حسب تعبيره.

كما هاجم بريك رئيس حزب "نداء تونس" و مرشّحه للإنتخابات الرئاسيّة الباجي قائد السبسي قائلا: "نحن لم نساندك حُبّا فيك، فنحن نعرف أنّك ساقط و نذل و صديق لوداد بوشمّاوي ورأس المال القذر كقذارتك أنت"، ثمّ توجّه لمحسن مرزوق بالكلام ناعتا إياه بـ"الكلب المقمّل" الذي كان يتوسّل بريك حتّى يساند حزب النّداء في الإنتخابات التّشريعية الأخيرة ثمّ أصبح يتجاهله بعد وصوله إلى غايته.

وحثّ جلال بريك في نهاية المقطع على مساندة المترشّحة كلثوم كنّو في الإنتخابات الرئاسية التي تتمّ يوم 23 نوفمبر القادم، و يُذكر أنّ قناته على يوتيوب تحظى بعدد متابعين يفوق 37 ألف مشترك.   

read more "جلال بريك: "محسن مرزوق أصبح يتجاهلني بعد فوز نداء تونس في الإنتخابات التشريعية"."

النائبة كريمة سويد تتعرّض لتهديدات بسبب انتقادها للباجي قائد السبسي

نشرت النائبة في المجلس الوطني التأسيسي كريمة سويد في تغريدة لها على موقع تويتر نصّ إحدى الرسائل التي تلقّتها من أنصار مرشّح حزب نداء تونس للإنتخابات الرئاسية الباجي قائد السبسي بسبب إنتقادها لهذا الأخير منذ أيّام قليلة على صفحتها الرسمية في موقع فايسبوك. 

و وصف صاحب الرسالة كريمة سويد بـ"المهاجرة الضئيلة" واستنكر "تجرّؤها على سيّدها الباجي قائد السبسي" على حدّ قوله، في إشارة إلى انتقادها لصمت السبسي طوال فترات تقلّده لمسؤوليّات سياسيّة على تعذيب مواطنين تونسيين" وهو ما اعتبرته تواطؤا مع آلة بن علي القمعيّة وسببا كافيا لأن "لا يكون السبسي رجلا عظيما أبدًا". 

كما هدّد صاحب الرسالة كريمة سويد قائلا: "الباجي قائد السبسي هو سيّد التونسيين الجديد، وبعد أن يتخلّص من الإسلاميّين، سيدوسكم كالبعوض يا عملاء فرنسا"، وهو ما اعتبره ناشطون سياسيّون عودة لممارسات النظام القديم من تهديدات و هرسلة تهدف بالأساس لقمع حرّية التعبير وإسكات كلّ صوت يفضح أزلام التجمّع.  

وأضافت سويد في تغريدة أخرى بأنّها تتلقّى عددا كبيرا من هذه الرسائل وبأنّ الأمر "مُتعب و مُخيف" حسب تعبيرها. 

   

Voici type de message que les Nidaa m envoie 1/"Tu ose parler de la sorte sur ton maitre BCE, petite zmegriya des minguettes de rien du tout
— Karima Souid (@KarimaSouid) November 14, 2014

2/"BCE nouveau maitre des Tunisiens et après s'etre occupé des Islamistes, il va vous piétiner comme des moustiques, collabos de la France"
— Karima Souid (@KarimaSouid) November 14, 2014

.@nanouBG c est fatiguant et effrayant en meme temps j en reçois à la pelle Inès et ce ne sont pas des trolls . Ces gens existent bien ....
— Karima Souid (@KarimaSouid) November 14, 2014

read more "النائبة كريمة سويد تتعرّض لتهديدات بسبب انتقادها للباجي قائد السبسي"

مدير مكتب الباجي قايد السبسي بوليس سياسي في عهد بن علي

يتذكّر مستعملو الشبكات الإجتماعيّة في عهد بن علي إسم "فراس قفرش" جيّدا، ومن لم يتذكّر هذا الإسم فهو لم ينسَ الأسماء المستعارة "بالسواك الحار" و "حمّة حمّتين" و "سميحة برّيري" وغيرها من الأسماء المستعارة التي كان يستعملها قفرش وزملاؤه على موقع فايسبوك لتشويه معارضي سيّده الهارب بن علي و نشر مقالات تطعن في شرفهم و وولائهم لتونس.

قبل أن يلتحق بالعالم الإفتراضي، كان فراس قفرش هذا رئيسا لمنظّمة طلبة التجمّع الدستوري الديمقراطي بكلّية الطب بسوسة، وكانت مهامّه الأساسية تتلخّص في كتابة التقارير البوليسيّة ضدّ الطّلبة الذين ينتقدون نظام بن علي ثمّ رفعها مباشرة إلى لجنة يترأّسها محمّد الغرياني وترتبط مباشرة بوزارة الداخلية. مصير هؤلاء الطلبة كان يتراوح بين الإعتقال و التعذيب و الطّرد من الدراسة.

في أواخر سنة 2008، وبعد الإنتشار الواسع الذي وجده موقعا "فايسبوك" و "بلوغر" في تونس، بدأ زبانية النظام ينتبهون إلى الخطر الذي بدأت تشكّله هذه المواقع على عورة سيّدهم فكان من اللازم أن ينقلوا خبرتهم في "الصبّة" و "القوادة" إلى العالم الإفتراضي، وكان لهم وجود في أهمّ ثلاث شبكات إجتماعيّة يزورها التونسيّون. فقد كانت أوّل خطوة هي إنشاء صفحة "زين العابدين بن علي" على الفايسبوك من قبل فراس قفرش و حميدة بن جمعة الّذين كانا يشرفان أيضا على هذه الصّفحة و ينشران "أقوال" سيّدهما المخلوع "الخالدة" و نظريّاته "الفذّة" حول حقوق الإنسان و الإسلام المعتدل. هذه الصّفحة و عشرات الصّفحات والمجموعات المتفرّعة عنها إختفت يوم 15 جانفي 2011.

أمّا على موقع "بلوغر" فقد أنشأ كلّ من حميدة بن جمعة و يامن العكّاري وفراس قفرش مدوّنات "تونسي وطني" و "ديانا ماغازين" و "هنا تونس" على التّوالي. ولم تكن وظيفة هذه المدوّنات محصورة في تلميع نظام بن علي و رسم تونس في عهده كجنّة حرّيات و حقوق إنسان، بل كان ثلاثتهم يشوّهون سمعة كلّ مدوّن ينتقد هذه الصّورة و يتّهمونه بالعمالة لأطراف أجنبية. مدوّنة هنا تونس قام قفرش أيضا بإخفائها بعد هروب سيّده وهي موجودة على هذا الرابط. كما كان ثلاثتهم وآخرون من "طلبة التجمّع" يمشّطون مواقع التواصل الإجتماعي على مدار السّاعة ويرسلون الرّوابط المسيئة لوليّ نعمتهم بن علي وعائلته مباشرة إلى إدارة حجب المواقع الإلكترونية في الوكالة التونسيّة للانترنت، أو ما كان يُعرف في ذلك الوقت بمصطلح "عمّار 404".

وتبقى أقذر العمليّات التي قام بها قفرش هي تلك التي أنجزها عندما كان الخناق يشتدّ على نظام بن علي، وأبرزها وشايته بالمدوّن والناشط السيبرني سفيان بلحاج المعروف باسم "حمّادي كالوتشا" سنة 2008. فقد قام قفرش بإرسال رسالة إلى بلحاج هدّده فيها بالوشاية به إلى وزارة الدّاخلية، وبعد أيّام قليلة تمّت قرصنة حساب بلحاج على فايسبوك والمجموعات المعارضة للنظام التي كان يشرف عليها. وفي فجر 6 جانفي 2011 تمّ إعتقال سفيان بلحاج ومدوّنين آخرين ووُجّهت إليهم تهمة "تخريب مواقع حكومية".  

وفي هذا التّقرير الموجز الذي صوّرته إحدى القنوات الفرنسيّة صبيحة فوز حزب نداء تونس في الإنتخابات التشريعيّة الأخيرة، نرى فراس قفرش جالسا في مكتبه بمقرّ الحزب بالعاصمة ونسمعه يمجّد نظام بن علي ويقول أنّه "لا يمكن لأحد أن ينكر أفضال هذا النّظام". ما نسي معدّو التقرير ذكره عن قفرش هو أنّه، بالإضافة إلى كونه أحد مستشاري مرشّح حزب نداء تونس للإنتخابات الرئاسية الباجي قائد السبسي، فهو أيضا مدير مكتبه ويلازمه كظلّه داخل المقرّ و خارجه وحتّى ساعات متأخّرة من الليل، بالإضافة إلى كونه رئيس مكتب الشباب بنفس الحزب.  

تذكّر كلّ ما قرأته في الأعلى و أنت في طريقك إلى مكتب الإقتراع يوم 23 نوفمبر القادم. إختيارك للسّبسي كرئيس للجمهوريّة يعني اختيارك للمحيطين به، وفراس قفرش ليس سوى واحد من آلاف الفضلات التي رسكلها هذا الحزب وسيقدّمها لاحقا لقصيري الذاكرة كـ"شباب فاعل يعمل من أجل ترسيخ التعدّدية والديمقراطية و حقوق الإنسان" ... وما أكثر قصيري الذاكرة في بلدي.

رمزي  

   
 ملاحظة: في حال عدم استجابة الفيديو المرافق، يمكنك مشاهدته على هذا الرابط

read more "مدير مكتب الباجي قايد السبسي بوليس سياسي في عهد بن علي"

ما تعطيش صوتك للطّحنوقراط

أخي التّونسي، أختي التّونسية

من غير ما نطوّلوا الهدرة: نهار 23 نوفمبر فمّة إنتخابات رئاسيّة في تونس. أوّل إنتخابات رئاسيّة تصير في البلاد بالمعنى الحقيقي للإنتخابات: يعني تصويت مباشر تختار فيه انت شكون باش يترأس البلاد ويقود قوّاتها المسلّحة ويمثّلها في المحافل الدولية لفترة الخمسة سنين الجّايين على الأقل.

كلّنا نعرفوا كيفاش حزب نداء تونس الي ماكانش موجود عام 2011 تحصّل في 2014 على 86 مقعد في البرلمان، وكيفاش فمّة أحزاب من الّي كانت في الإئتلاف الحاكم ولّى عدد الكراسي متاعها ما يكفّيش طاولة في كافيتيريا. هنا مانيش نلمّح للتزوير، رغم أنّه سي الباجي قايد سفينة نوح اعترف بلسانه في حوار مع أحمد منصور أنّه شارك في تزوير انتخابات تونسيّة. هنا نحكي على الماكينة الإعلامية و الفايسبوكية والخزّان الطّحنوقراطي الي يتمتّع بيهم حزب نداء تونس والي فيه على القليلة زوز ملاين طحّان - حاشاكم - من جماعة الشُّعَب ولجان التنسيق النوفمبرية الّي خلاّتهم الحجّامة وراجلها وراها.

ماهيش مشكلة وقت الّي الماكينة هذه تخدم لمصلحة حزبها، لكن المشكلة هي وقت الّي الماكينة هذه تخصّص تسعين بالميا من طاقتها لتشويه صورة الأحزاب الأخرى، وكلّكم تتفرّجوا و تسمعوا و تقراو في التونسية ونسمة وشمس آف آم و موزاييك و اكسبراس آف آم و جوهرة و الصريح و الشروق... أيّ إنسان عندو مخّ ينجّم يفهم الّي وسائل الإعلام هذه تخدم في هدف واحد: تشويه الأحزاب الكلّ إلاّ حزب واحد، وتشليك رؤساء الأحزاب الكلّ إلاّ رئيس حزب واحد، وربط أعضاء الأحزاب الكلّ بالبهامة و التقوعير و التجوبير و الخيانة و العنف والقتل و الإرهاب إلاّ أعضاء حزب واحد: نداء تونس. 

     

ونفس الماكينة الّي خدمت الخدمة متع الإنتخابات التشريعيّة قاعدة تواصل على نفس المنوال في إتّجاه الرئاسيّة: صفحات فايسبوك بمئات آلاف المشتركين تنشر في ألف حكاية و حكاية على المترشّحين للإنتخابات الرئاسية: في هاو سليم الرياحي كان يمارس في الجنس مع مراد الطرابلسي خو ليلى، في هاو المرزوقي هو الّي استدعى برنار-هنري ليفي لتونس وكلا طريحة في القيروان، في هاو حمة "النصراوي" كيف ما يسمّيو فيه ما خدمش نهار في حياتو، في هاي كلثوم كنّو ما عندها شيّ يميّزها على بقيّة المترشّحين إلاّ كونها مرا، في شبيه الهاشمي الحامدي قدّاش جبري ومقوعر لابس صبّاط مع سروال سورفاتمون، في تصاور متع بن جعفر فيها حمّير و حواجب محصورة بالفوتوشوب الخ الخ الخ... وبالطبيعة الصفحات هذه ما تجبدش سيرة سيدها ووليّ نعمتها الباجي قايد خفرع بن خوفو.

باهي، علاش أنا نجّم نعطي صوتي لأيّ مترشح إلاّ السبسي؟

1. على خاطر السّبسي كذّاب: وقت شدّ رئيس حكومة قال باش نكمّل مهمّتي و نمشي على روحي ومن بعد عمل حزب بالفضلات متع التجمّع و الزبلة متع الأحزاب الأخرى ... إنسان كيف هذا une fois يشدّ رئيس ما تحلمش باش هو وإلاّ حزبه يسيّبوا الكراسي إلاّ بالطريقة الي سيّبوا بيها عروفاتو بورقيبة و بن علي.

2. على خاطر السّبسي ما عندوش في القاموس متاعو حاجة إسمها حرّية إعلام وتعبير: و الدّليل على ذلك هو اعتداؤو على صحفيّين لفظيّا و جسديّا أكثر من مرّة و المنطق الإستعلائي الي يستخدمو في كلّ حواراته الصّحفية تقريبا. والجماعة الي ناويين على اعتصام وإلاّ مظاهرة وإلا وقفة إحتجاجية تنجّموا تمضمضوا من توّة وتنويوا على الصيام خمسة سنين لقدّام. إنسان تولد في وقت كانت فيه تونس مملكة و شبّ وقت كانت مستعمرة و كبر وقت ولاّت ديكتاتورية و هرم وقت ولاّت جمهورية موز ما تتوقّعش منه أكثر من قانون يمنع التظاهر و كوموند غاز و ماتراك جديدة من فرانسا.       

3. على خاطر السّبسي مشكوك في قدراته العقليّة: يكفي أنّك تشوف آخر انترفيو عملو معاه بوبكر بن عكاشة وكيفاش الردود متاعو متناقضة.. مثال: مرّة يقول "تونس عمرها ما دخّلت سلاح لليبيا" ومرّة يقول "ياخي الأربعة كرتوشات الي بعثناهملهم هوما السبب؟"، أو أنّك تشوف الفيديو متاعو كيفاش مكهّب على قبر بورقيبة وهاو نحّى مرايات هاو لبس مرايات أخرين - بورقيبة الي ما تفكّروش بزيارة وحدة من الّي رماه بن علي في الإقامة الجبريّة. إنسان كيف هذا شنوّة يضمنلي انه إذا مشى للأمم المتّحدة وإلاّ قمّة عربيّة ما ينحّيش فمّو الإصطناعي و يرميه على رئيس آخر في قالب نبزة، وإلا يشوف هاك الرّخام الأخضر يحسبها توالات و يقوم يستراح فوق المنصّة؟ الرّجوع لربّي وهذيكة هي سنّة الحياة، 88 سنة البشر ماعادش مخّو كيف قبل، خاصّة إذا تكثر عليه المسؤوليات و التعب.

4. على خاطر بقيّة رموز الطّحنوقراط باش يتنازلوا لفائدة السّبسي: هو صحيح عبد الرّحيم الزّواري انسحب من السّباق الإنتخابي، و صحيح الزّنايدي و مرجان والنابلي آمالهم شبه معدومة في الفوز بكرسي الرئاسة، لكن عمركش سألت روحك إذا الماكينة متع الأزلام - كاملين في قالب بعضهم - مستعدّة باش تاخو الـrisque وتشتّت الأصوات الّي عندها والّي ما يوصلوش لزوز ملاين صوت على 3 وإلاّ 4 مترّشحين؟ تو كيف يزيدوا يقربوا الإنتخابات تو تفهم النقطة هذه أكثر.

خمّم مليح. تخيّل بعد هاك العدد متع النّاس الي ماتوا و تعماو و تشلّوا ، وبعد 4 سنين دموع ودمّار و ضغط نفسي و ارهاب و اغتيالات، وبعد نصف قرن من القمع و الظلم و التهميش و التعذيب، تجي انت كيف الناس الملاح تصوّت لنومرو 7 ... عبارة على واحد كان يتفرّج في فيلم رعب وفي عوض ينزل على Stop عاود نزل على Play من أوّل وجديد. 

وفي الختام عندي كلمة للناس الي موش ناويين يصوّتوا جملة: كي تعطي بظهرك للنّار ما تقومش تبكي من بعد و قت ترمتك تتحرق.

والسّلام عليكم و رحمة الله و بركاته

رمزي

  

read more "ما تعطيش صوتك للطّحنوقراط"

كشفُ الخْنَن في سيرَة البشير بن حسَن

 من غير مقدّمات، اليوم باش نحكيو على فينومان من الفينومانات التي ابتلانا بها الله بعد هروب حامي الحمى و الدين إلى أرض خادم الحرمين. موضوعنا اليوم هو ما اصطُلح على تسميته بـ"الشيخ" البشير بن حسن التونسي واللي أصبح بقدرة قادر يفتي في كلّ شيّ من قيادة المرأة للسيارة و جواز الحجّ لكارهي حكّام السعودية إلى شرعيّة برنامج عندي ما نقلّك و ووجوب إسقاط الإتحاد العام التونسي للشغل وحُرمة أكل العصايد.

قبل ما نبداو، لازم نسألو السؤال الأوّل: من هو البشير بن حسن؟

البشير بن حسن من مواليد سنة 1973 بمدينة مساكن، هاجر إلى فرنسا حيثُ اشتغل مساعدا لأحد مقاولي الطّلاء (الدهينة) وحضر حلقات في المساجد كان يؤمّنها شخص يُدعى فوزي. تمكّن بعد أن تسوّل مبالغ مالية من تونسيّين مقيمين بفرنسا (وهذا كلام خميس الماجري موش كلامي أنا) من السّفر إلى المملكة السعوديّة حيث حاول الإنتساب إلى جامعة أمّ القرى بمكّة لكنه رُفض لضعف مستواه العلمي. طبعــا "الشّيخ" عمرو ما يجبد عليها الحكاية هاذي، وعمرو زادة ما يجيب سيرة الزوز جامعات الي تلقّى فيهم "تكوينه" وهوما الجّامعة الأمريكيّة العالمية الي عطاتو "باكالوريوس" (ما يعادل شهادة الأستاذية في تونس) متع شريعة إسلاميّة والمركز الإسلامي و الثقافي ببلجيكا الي عطاه "شهادة في تكوين الدّعاة".

بعد البحث تبيّن أن الجّامعة الأمريكيّة العالميّة هي ليست سوى جامعة شبه وهميّة، لها مقرّ تواصل في مدينة واشنطن ولكن ليس لها حرم جامعي، تقدّم دروسا بالمراسلة عبر شبكة الانترنيت منذ سنة 2004، وهي تقدّم دروسها مجانا... وهنا خلّينا نتجاوزوا سؤال "كيفاش جامعة أمريكيّة تقرّي في الإسلام للمسلمين" خاطر السؤال الأهمّ هو "علاش؟"

وبعد البحث تبيّن أيضا أنّ "شهادة" تكوين الدّعاة متع "الشّيخ" خذاها بعد تكوين و تدريب شاقّ دام لفترة طويلة في بروكسال ... 6 أيّام يا بوقلب!! وتحديدا من 10 إلى 16 صفر 1423 هجري. يعني حاجة كيف "تعلّم الألمانيّة في أسبوع" وانتم تنجّموا تتخيّلوا النتائج متاعها وحدكم.

وكيف ما حكينا أعلاه، "الشيخ" يصرّ باش يحطّ في الموقع الرّسمي متاعو أنّه درس في جامعة أمّ القرى بمكّة (معهد الحرم المكّي) في حين أنّه ما فمّة شي يثبت ذلك، و الأدهى من ذلك هو شهادة أحمد بازمّول، أحد أساتذة هذه الجّامعة، اللي صرّح أكثر من مرّة بأنّ البشير بن حسن"يقول أنّه من طلاّب ابن العثيمين ولكنّه ليس من طلاّبه" وأنّه "مبتدع ضالّ، لا يجوز أخذ العلم منه، ولا الرّجوع إليه، ولا السّماع له، ولا الإستفادة منه حتّى يتوب إلى الله ويزكّيه العلماء" وغيرها من الشهادات الي تنجّموا تلقاوها على موقع يوتيوب.

يعني باش نلخّصو الأسطر اللي فاتوا؛ واحد قاري الإسلام بالمراسلة من عند الأمريكان، وعامل دورة في تكوين الدّعاة عند البلاجكة مدّتها أقلّ من جمعة، ويدّعي أنه من علماء الأمّة في حين أنّهم علماء الأمّة يقولو أنّه مبتدع ضال، جاء لتونس باش يعلّم التوانسة دينهم و يعمللهم "دورات علميّة"..  واللي شاكك في كلامي ينجّم يزور موقع البشير بن حسن ويشوف سيرتو الذاتية الي هو كاتبها بيدو (هنا).

السّؤال الثاني: فاش قاعد يعمل البشير بن حسن؟

الإجابة: البشير بن حسن قاعد يصبغ في الشّرعيّة السياسيّة المنتهية للإئتلاف الحاكم بشرعيّة شبه دينيّة، (وهاذي حاجة ما ينجّم يعملها كان واحد مختصّ في الدّهينة) ، بحيث عمرك ما تشوفو ينقد في المرزوقي، أو الغنوشي، أو البحيري، أو بن جعفر، أو محرزيّة... لكن في نفس الوقت يتحوّل لدوبرمان ضدّ أمّ زياد، وحمّة الهمّامي، والإتحاد العام التونسي للشّغل الّي قالّك لازم نبدّلوه باتّحاد عمّال إسلامي... وعمرك ما تشوفو يحكي ضدّ النهضويّين، لكن في نفس الوقت يهاجم السلفيّين ويوصل باش يكتب حاجة كيف هاذي بعد وفاة محمّد بختي إثر إضراب جوع... حاجة ما تبعدش برشة على اللي قالو مفتي بن علي على محمّد البوعزيزي وقت حرق روحو.

البشير بن حسن سمعناه وهو يكفّر في معارضي الحكومة و يحرّم في عصيدة الزقوقو و قيادة المرأة للسيّارة، وسمعناه وهوّ يهدّد بأنّو كان جاء الأمر بيده ما يخلّيش الناس الي تكره آل سعود تمشي للحجّ والعمرة، وسمعناه كيفاش يدافع على محمد بن عبد الوهاب الي ما قتل كان مسلمين وعمرو ما فتح أرض غير مسلمة (نتحدّى أي واحد أنّو يُثبت العكس)، لكن عمرنا مانا باش نسمعوه يطالب باسترجاع بن علي من السّعوديّة، ولا عمرنا باش نسمعوه  يحكي على صحيّبو عايض القرني كيفاش سرق كتاب متع مرا ولدها معاق وكي شكات بيه حاول يرشيها بـ10 آلاف ريال سعودي.

وتزبّبوا قبل أن يتحصرموا ... والسلام عليكم و رحمة الله وبركاته.

رمزي

  

read more "كشفُ الخْنَن في سيرَة البشير بن حسَن"

رجاء بن سلامة ترجم فرحات الرّاجحي بالحجارة وتنسى أنّ بيتها من زجاج

كشفنا منذ أيّام المدعوّة "رجاء بن سلامة" وترويجها لإشاعة "السّلفيّين الذين اعتدوا على المعهد العالي للعلوم الإنسانيّة بجندوبة" عبر ما تسمّيه "مدوّنتها"، وأوضحنا أنّها استغلّت صفتها الأكاديميّة لنشر الأخبار الزائفة التي ينظر إليها جلّ مستعملي فايسبوك بعين الرّيبة.

وبعد انتشار مقالنا في مختلف المواقع الإجتماعيّة وعلى رأسها فايسبوك، وبعد أن فهمت هذه "الدّكتورة" أن لا فائدة من الإنكار أمام الأدلّة التي أوردناها ضدّها، نشرت على "مدوّنتها" ما مفاده أنّه "على القرّاء إمهالها 24 ساعة للتثبّت من صحّة الأخبار أو عدمها"  وأنّ هدفها من نشر تلك الإشاعة "لم يكن التّحريض" وأنّها "ستقوم بالإعتذار وشكر المدوّنة التي نبّهتها للخطأ" (أي مدوّنتنا).. وطبعًا فَعَلَت كلّ هذا على لسان "المشرف الثاني على المدوّنة بعد الإتصال برجاء بن سلامة هاتفيّا" للإيهام بأنّها ليست من يشرف على تلك المدوّنة وغير مسؤولة عمّا يُنشر فيها.

وبعد أن تهاطلت عليها التّعليقات المستنكرة لصنيعها والمطالبة بنشر تكذيب للإشاعة، لم تجد "الدّكتورة" رجاء بن سلامة حلاّ سوى حذف المقالين، المقال الأوّل الذي تضمّن نصّ الإشاعة واختارت له عنوان "خبر آخر من أخبار التعصّب والتطرّف" وهذا رابطه:

http://mouwatana.blogspot.com/2011/05/blog-post.html

والمقال الثاني الذي حاولت فيه التنصّل من المسؤوليّة ووعدت فيه بالإعتذار بعنوان "توضيح يخصّ التدوينة السّابقة" وهذا رابطه:

http://mouwatana.blogspot.com/2011/05/blog-post_02.html

ونسيت أن تحذف المقال الثاني (الذي نُشر بصفة آليّة) من صفحتها على فايسبوك التي ترتبط مباشرة بما تسمّيه "مدوّنتها":

وبعد ظنّها أنّها بحذف محتوى الرّابطين قد تجاوزت نشرها لأخبار زائفة من شأنها تعكير صفو النّظام العام، أطلقت هذه "الدّكتورة" حملة مسعورة لمهاجمة فرحات الرّاجحي قائلة أنّه "لا يحسن سياسة لسانه ولا يميّز بين ما يقال للعموم وما لا يقال"، وكأنّها بنشرها للإشاعات ثمّ حذفها وطمس التّعاليق المرافقة لها دون أن تنشر اعتذارا أو تكذيبا، كأنّها بكلّ ذلك تحسن سياسة لسانها وتعرف ما يجب عليها أن تقوله للعموم.

رجاء بن سلامة، لمن لا يعرفها، هي إحدى رموز المحفل الفرنكو-علماني الذي تحدّث عنه الصّديق أبو عربي في مقال سابق، أو تلك "النّخبة" التي كسبت ودّ النظام البائد عبر تحبيرها لمئات المقالات حول "الرّجعيّة والظلاميّة" والتي كانت له سندًا في تونس وخارجها لقتل وتعذيب ونفي وملاحقة آلاف التّونسيّين طيلة ربع قرن.

تلك "النّخبة" التي ترتعب من ثورة فكريّة حقيقيّة تثير التساؤلات حول أحقيّتها بالشّهائد التي تحملها و ما فعلته بها عدا شتم الإسلاميّين والتّخويف منهم بمناسبة ودون مناسبة.

هل تعتقدون أنّ رجاء بن سلامة وألفة يوسف وخميّس الخيّاطي وسلوى الشّرفي وأمثالهم يرغبون في اكتمال هذه الثّورة؟ فكّروا وأجيبوني!

والسّلام عليكم ورحمة الله وبركاته.

رمزي 

read more "رجاء بن سلامة ترجم فرحات الرّاجحي بالحجارة وتنسى أنّ بيتها من زجاج"

رجاء بن سلامة تستعمل "مدوّنتها" لترويج الأخبار الكاذبة

حذرنا أكثر من مرّة من المواقع والصّفحات الفايسبوكيّة التي تختلق الأكاذيب و تروّجها على نطاق واسع للتخويف من الإسلاميّين وتحريض بقيّة التونسيّين عليهم. فمن حمدي المسيهلي الذي اختلق اشاعة "ماء الفرق" إلى سمير الوافي الذي ابتكر خرافة "سلفيّين قطعوا يد سارق" إلى ليلى الشّابي التي ألّفت سيناريو "أمير المؤمنين في راس الجّدير" إلى سكاتش "ضربني على راسي وهرب يعيّط الله أكبر" للنوري بوزيد، عشرات ممّن يُحسبون ظلما على النّخبة والصّحافة يستغلّون صفتهم المهنيّة وثقة التّونسي البسيط ليملؤوا رأسه بالإشاعات ويحوّلوا انتباهه عمّا يمثّل فعلاً تهديدًا لحرّيته وكرامته.

بالأمس نشرنا مقالاً عن آخر هذه الإشاعات التي تتبّعنا مصدرها لنجده صفحة على موقع فايسبوك باسم "وزير ضغط الدمّ والسكّر". قام المشرف على هذه الصّفحة بتأليف "خبر" في شكل بيان مفاده أنّ "مجموعة من السّلفيّين احتلّوا المعهد العالي للعلوم الإنسانيّة بجندوبة و هدّدوا أستاذة فرنسيّة بماء الفرق و قاموا بتهديد طالبات لعدم ارتدائهنّ الحجاب الخ.."

الشّخص الذي ألّف هذا الخبر (أي صاحب الصّفحة المذكورة) ذيّله باسم "مجموعة من أساتذة المعهد"، وهو من التّفاصيل التي جعلتنا نرتاب في مصداقيّته ونبحث أكثر في تفاصيله لنجد الآتي:

1) المصدر الذي ذكره صاحب الإشاعة (جريدة الرّسالة الأسبوعيّة) مصدر وهمي لا وجود له، وهو ما يفسّر غياب أي رابط نحوه في كلّ المواقع والصّفحات والمدوّنات التي أوردته.

2) لو كان ما ذُكر في هذا "البيان-الخبر" صحيحًا لرأينا منه نسخة صادرة عن نقابة أساتذة التّعليم العالي، وهي الجّهة الرّسميّة المخوّلة لصياغة وإمضاء ونشر مثل هذه البيانات.

3) صورة الرّجل الملتحي المرافقة للـ"خبر" ليست لتونسي بل آسيوي في مظاهرة ضدّ الرّسوم المسيئة للرّسول الكريم، وهي صورة يستعملها الكثير من المدوّنين في الغرب للتخويف من المسلمين، وبامكانكم التأكد من مصادر الصّورتين بالضغط عليهما. (مع الشّكر للمدوّن مُصعب على الرّابطين).

وبعد تشكيكنا في هذا "الخبر" واهتزاز مصداقيّة صفحة "وزير ضغط الدمّ والسكّر"، لم يجد من لهم مصلحة في انتشار هذه الإشاعة سوى التوجّه نحو رجاء بن سلامة التي يعتبرونها "أكاديميّة من النّخبة" حتّى تنشر هذه الإشاعة صباح اليوم في مدوّنتها وتعطيها المصداقيّة والدّفع المطلوبين:

كلّ هذا يحدث تحت أنظار أشباه مدوّنين وأشباه صحفيّين آثروا أن ينشروا بدورهم هذه الأخبار الكاذبة بسبب موقفهم من الإسلاميّين، أو أن يلتزموا الصّمت ويواصلوا سباتهم الذي عوّدونا عليه. كلّ هذا يحدث على مرأى من حكومة زجّت بأستاذة جامعيّة في السّجن منذ سنتين لمجرّد تحذيرها عبر موقع فايسبوك لصديقاتها من خاطفي الأطفال.

والسّلام عليكم و رحمة الله وبركاته.

رمزي

read more "رجاء بن سلامة تستعمل "مدوّنتها" لترويج الأخبار الكاذبة"

وزير ضغط الدمّ والسكّر .. والمغالطة والإشاعات

نهار الخميس اللي فات تسبّب اعتصام في أحد الطّرقات بصفاقس في وفاة التّلميذ آدم الغريبي (ثامنة أساسي) بعد ما تلزّت سيّارة الاسعاف باش تسلك طريق أطول من اللي لازمها تسلكو.

أوّل حاجة نحبّ نتقدّم بأحرّ التعازي لوالدي هذا الطّفل وندعيلو باش ربّي يقبلو برحمتو ويصبّر عايلتو على فراقو.

ثاني حاجة ندعو كلّ من تضرّر من اعتصامات الطّرقات (صفاقس، سجنان، الحمّامات الخ..) باش يرفع قضيّة ضدّ ها النّاس اللي ظاهر فيهم باش يعملوها موضة الصّيف وكلّ ما يحكّوا ريوسهم يشدّو أوطوروت والا طريق وطنيّة يقيّلوا في وسطها.

هنا لازمني نوضّح حاجة هامّة برشة وهي أنّي لاحظت اللي برشة عباد في فايسبوك ومواقع أخرى ما يحكيو على المضرّة كان وقت تبدا فمّة سيّارات اسعاف هازّة مرضى.. لا يا سيدي، اللي يقصد ربّي باش يخدم والاّ يعدّي امتحان والاّ حتى باش يعمل قهوة ويلقى عصابة مسكّرة الطّريق باسم "الاعتصام" يتسمّى متضرّر، موش نخلّص معلوم جولان باش نعمل دومي تور ونرجع نشدّ الدّار، هذا من غير ما نحكيو على التّشويه اللي باش يلحق الإعتصامات المشروعة والسّلمية في جرّة هذه الممارسات الأنانيّة.

ثالث حاجة، وبما أنّو فمّة ناس يستنّاو في خبر كيف هذا باش يركبوا عليه ويلصّقوه للإعتصامات المشروعة ويأثّروا على الرّأي العامّ باش يكرّهوه في حاجة اسمها إعتصام، و بعد ما هبّطت وكالة تونس افريقيا للأنباء الخبر متع وفاة آدم، كلّ موقع وصفحة على فايسبوك عمل صياغة متع خبر على زيّ راسو. اللي يقول مات في سيّارة الاسعاف واللي يقول في القسم الخ.. لكن فمّة شكون من أصحاب الصّفحات الفايسبوكيّة حبّ يهبّط حاجة ما هبّطها حد وهي تصويرة آدم، موش حرصًا على دقة الخبر وإنّما باش يأثّر على الرّأي العام لنفس الأسباب اللي قلتلكم عليهم.

وبما أنّ المواقع ذات المصداقيّة ما هبّطت حتّى تصويرة ، مشى سي وخيّنا اللي مسمّي روحو "وزير ضغط الدمّ والسكّر" (ان شاء الله يركبوه ها الزّوز أمراض عن قريب) لوّج في غوغل على تصويرة أي ولد توفى في مدرسة باش "يفوّح" بيها الخبر، وحطّها مع المقال وما جاش لبالو اللي فمّة شكون باش يفيق بيه نظرا لأنّ صاحب الصّورة موش من تونس جملة.

لكن لسوء حظّه، صادف أنّ العبد لله مدّة عامين التالي تطرّق لنفس موضوع الولد هذا (المصري) بالتفاصيل المملّة في قالب خدمة، معناها من المستحيل أنّي ننسى وجهو كي نراه مرّة أخرى. وأوّل ما ريت تصويرة الولد في صفحة "السيّد" وزير الكذب والتبلعيط تفكّرت اللي هو إسلام عمرو بدر، التلميذ المصري اللي مات عام 2008 بعد ما ضربو معلّم الرياضيّات متاعو بمُشطة في كرشو وقامت عليه القيامة في مصر:

وحتّى من البي بي سي حكات عليه وقتها:

الممارسات هاذي وإن بدت لبعضكم عاديّة فهي قمّة في الدّناءة. علاش؟ خاطرها بالاضافة لكونها إساءة للزوز أطفال فهي أيضا إتّجار بالمآسي متع الناس لتمرير أجندا الأغلبيّة السّاقطة التي يقف وراءها أزلام التجمّع، واللي يتبّع في صفحة "وزير السّكر وضغط الدمّ" أكيد فاهمني على شنوّة نحكي بالضّبط.

و إشاعة "السّلفيّون يقتحمون المعهد العالي للعلوم الإنسانيّة"، واللي خرّجها نفس الشّخص، ماهي إلاّ دليل آخر على النّاس اللي وراه و برنامج الرّعب اللي يحبّوا يطبّقوه على الشّعب التّونسي.

والسّلام عليكم ورحمة الله وبركاته

رمزي

read more "وزير ضغط الدمّ والسكّر .. والمغالطة والإشاعات"

حزب الله في تونس؟؟؟

بعد الأرتيكل اللي كتبناه على مصدر الإشاعات الأوّل في تونس، وبعد الرّواج الكبير اللي خذاه، توقّعت اللي عدد من التّوانسة اللي يستعملوا في الانترنات (على الأقّل القرّاء اللي قراو الأرتيكل وتقاسموه في الشّبكات الإجتماعيّة) باش يكونوا أكثر حذر في التّعامل مع المعلومة وخاصّة كي تبدا جايّة من مصدر مشبوه كيف على سبيل الذكر وليس الحصر "مدوّنات" واب تونيزيا والمنارة لايف وغيرها من الطّفيليّات اللي ظهرت بعد 14 جانفي واللي واضح أنّو النّاس اللي وراهم ناس موتى بالشرّ ومستعدّين يخترعولك أخبار على قياسك أو حتّى يجبدولك خبر قديم ويروّجوه من أوّل وجديد لغاية واحدة: هات أعطيهم انت تكليكي على الرّابط متاعهم باش يصبّولهم فلوس الاشهار والبلاد يجعلهاش تتحرق باللي فيها.

توقّعنا هذا الكلّ لكن يا خيبة المسعى...

وبعد ما أشرنا في صفحتنا على فايسبوك إلى أنّ التّهديد بدولة إسلاميّة ماهو إلاّ واحد من الأساليب اللي تستعمل فيها الحكومة باش الشّعب ياكل بعضو وما يتلهاش بشكون ترشّح وشكون تكتّل مع شكون وعلاش فلان أقصاوه من التلفزة وفلتان علاش لتوّة ما شدّوه في الحبس.. بعد هذا الكلّ باقي نفس اللوبانة متع 1991-1992 قاعدة تتكعرر في ظلّ سيطرة متطرّفي اللائكيّة على المشهد الثقافي والإعلامي في تونس: تشويه لحركة النّهضة وكلّ من يعارض إقصاءها ، بل وحتّى "اتّهامو" بأنّو تابعها ووصفه بالخوانجي والظلامي والرّجعي الخ.. لا علينا موش هذا الموضوع اليوم تو نرجعولو مرّة أخرى ان شاء الله.

تقول انت آش مجيّب مصادر الإشاعات للتهديد بدولة إسلاميّة؟ نجاوبك:

رينا النّاس الكلّ كيفاش سمير الوافي خرّج اشاعة السلفيين اللي حبّوا يقصّوا يد سارق في جرزونة، و حمدي المسيهلي كيفاش اخترع حكاية ماء الفرق، وليلى الشّابي كيفاش جابت خرافة أمير المؤمنين في راس الجّدير وكيفاش الخرافة هاذي تنجّم تكون داخلة فيها المخابرات العسكريّة متع الجزائر، واللي كانت سبب باش التّوانسة هاذم ريوسهم تحلّت بالزلالط والسّكاكن.. باهي هذا الكلّ ريتوه، أمّا ريتوش شكون من الشّلايك هاذم عيّطلو الحاكم باش يحقّق معاه على خلفيّة ترويجو لأخبار كاذبة من شأنها تعكير صفو الأمن العامّ في البلاد؟ ما ريتوش وماكمش باش تراو.. علاش؟ لسبب بسيط ياسر وهو أنّ الحكومة الحاليّة مساعدتها ياسر حكاية الإشاعات اللي تشوّه الإسلاميّين وما تجيكش غريبة فمّة هيكل دعائي كامل لاهي بالحكاية هاذي ويصرف عليها.

وقت اللي نرجعوا لجويلية 2009، نلقاو اللي أستاذة جامعيّة صكّوها بـ 8 شهور حبس لمجرّد أنّها  عاودت بعثت رسالة جاتها على فايسبوك لصاحباتها وقالتلهم "ردّوا بالكم راهم يخطفوا في الصّغار".. الجّدير بالذكر هو أنّ الأستاذة هاذي ماهيش مصدر الإشاعة وإنّما جاتها من عند تونسيّة مقيمة بالخارج.. باش تفهم كيفاش الحكومة متواطئة مع أشباه الصّحفييّن وشبه الممثلة اللي حكينا عليهم (وغيرهم)، ما عليك كان تقارن آش صارلها خاطرها عملت partage وآش صار(أو بالأحرى ماصارش) للوافي والمسيهلي والشابي خاطرهم مصادر إشاعات.

الممارسات هاذي مازالت متواصلة وباش تتواصل وتقوى في الأشهر القليلة القادمة، وكلّ يوم باش تسمعوا غريبة على "سلفيّين قصّوا راس عاملة ماخور" و "مفكّرة والا ممثلة خطفولها ولدها" وغير ذلك من الحكايات الحولة اللي ماعادش تجدّ حتّى على البهايم، ورغم ذلك باش يبارتاجيوهم نفس الباجات اللي ديما نحكيلكم عليهم بطريقة الاستبلاه، معناها يبدا يعرف اللي هي إشاعة ويحطّلك الرابط في صفحة فيها 20.000 رقبة ويعمل روحو يسأل: "هل من تأكيد أو نفي لهذا الخبر"؟ وصفحة تعدّي لصفحة وبروفيل يهزّ لبروفيل وما يتعدّى النهار إلاّ ما تونس كاملة تسمع بالإشاعة هاذيكة.

نجيو توّة لموضوع العنوان، وفي نفس السّياق متع التهديد بدولة إسلاميّة وتنسيق المدوّنات الطفيليّة والصّفحات ذات التوجّه اللائكي المتطرّف من أجل إنجاح المخطط الحكومي متع "كولوا بعضكم قبل ما ناكلوكم"، فمّة خبر قاعد يدور ها النّهارين بالعنوان هذا: وكالة أنباء إيرانية: تونس فى طريقها لتشكيل "حزب الله". وبالطّبيعة نفس المدوّنات والصّفحات والشّلايك اللي حكيتلكم عليهم هوما اللي قاعدين يروّجو في الخبر.

كلمة خبر ما حطّيتهاش بين ضفرين المرّة هاذي خاطرو خبر بالحقّ، أمّا بالرّجوع للمصدر الأصلي متاعو واللي هو وكالة فارس الإيرانيّة للأنباء شنوّة نلقاو؟

نلقاو اللي الخبر هذا، اللي قاعدين يدوّروا فيه مواقع و "مدوّنات" و صفحات معيّنة نهار 22 و23 أفريل (معناها اليوم والبارح)، منشور في إيران من نهار 23 جانفي اللي فات وبرشة توانسة قراوه في موقع اليوم السّابع المصري من نهار اللي تنشر (أي منذ 3 أشهر كـــاملة).. السّبب متع ترقيد خبر كيف هذا ثمّ ترويجو واضح، وهو أنّ الشّعب ما عادش يصدّق بالسّاهل حكايات ماء الفرق وقصّان اليدين والرّجم وما شابه ذلك، لذلك الجّماعة تعدّاو للـ Plan B واللي يتمثّل في تخويف التوانسة من بعث حركات اسلاميّة مسلّحة شبيهة بحزب الله.. خاطر صعيب شويّة باش تجيب واحد يدّو مقصوصة لكن ساهل ياسر باش تحكي على تحالف توانسة مع أحزاب إسلاميّة مسلّحة في دول أخرى، خاصّة وقت اللي جزء كبير من الشّعب يبدا طايب بطبيعتو وقابل باش يصدّق الحكايات هاذي رغم أنّها قديمة وعاودت تجبدت وإلاّ ما فمّاش منها جملة.

والسلام عليكم ورحمة الله وبركاته 

read more "حزب الله في تونس؟؟؟"

ذاكرتنا شغّاله..ميّا ميّا...حوّل

لأنّ الرّئيس السابق كان شخصا لا تربطه رابطة بعالم الفكر..ولا بعالم السياسة..فهو لم يكن أكثر من كتلة شحميّة محبوسة داخل بزّة عسكريّة..ولم يكن كلّ همّه محصورا في أكثر من باكو سواقر خضرا..أو طُرح شكبّه مع زملائه...لكن ارادة الله,ومعها ارادة المخابرات الايطالية قفزت به بسرعة الى حيث لم يكن يحلم ولا يتخيّل..فوجد نفسه في موقع لا يعرف عنه شيئا..ومن سيارة الجيب وشاحنات الماجيريس انتقل الى سدّة الحكم في قرطاج..

ولأنه كان غبيا وساذجا وفارغا الى حدّ كبير..فان المحفل الفرنكوعلماني لم يدع الفرصة تمرّ..وهرع أقطابه من كل فجّ عميق لأقامة حلقة من المريدين حول القادم الجديد..ومارسوا باقتدار سياسة النفخ في تجاويف الصّنم ..وما أكثر تجاويفه..ولم تمرّ فترة من الزمن حتى تكوّن الاخطبوط العلماني المتطرّف وبدأت أذرعه في التشكّل..فتشكّل الذراع السياسي في صورة عبد العزيز بن ضياء..وتلاه الذراع العسكري في صورة المجرم السفاح عبد الله القلاّل..ومعه الذراع التربوي والتعليمي في صورة احد ابرز وجوه المحفل العلماني سيء الذكر الشرفي..يساندهم الذراع الثقافي تحت امرة عبدالباقي الهرماسي..كل ذلك مدعوما بالذراع الاقتصادية متمثلة في المافيا الطرابلسية...يبالغ جميعهم في التودد والتقرب من العرّاب الأب...أو المعلم حسب القاموس المافيوزي...

وما ان اشتد عودهم واحكموا الالتفاف حول مفاصل البلاد حتى انطلقوا في حملة تصفية عرقية أثنية لم يشهد التاريخ التونسي لها مثيلا...فزمجرت مصفحات التنظيم وانتشرت الكلاب البشرية في الشوارع واصطف وحوش القمع المهيكل لتنفيذ هجمة لن ينساها التاريخ ضدّ كل ما له علاقة بالاسلام والمسلمين..فأُغلقت المساجد وزُجّ بكل من ليس له تهمة عدا الصلاة في السجون وهوجمت النساء المتحجبات بشراسة بهائمية في الشوارع والساحات واما انظار الاباء والابناء..ونفّذ الرفيق العلماني..المناضل ضمن جمعيات حقوق الانسان محمد الشرفي عملية ترانسفير ضخمة رحّل فيها الطلبة المتدينين الى معتقل رجيم معتوق في غياهب الصحراء..وفتحت خزائن الشعب أمام الشواذ والفاسقين لتنفيذ الثقافة الجديدة..فموّلت وزارة الثقافة أفلام العراء للنوري بوزيد واصبح التونسي ينام ويستيقظ على سينما الجنس والعراء الفاضح في محاولة لهدم الشخصية الاسلامية لدى التونسيين..

ووقع تقنين القمار والميسر بفرمانات حكومية فانتشرت شركات الرهان واقيمت الكازينوهات في عدة مناطق من البلاد..وأُرغمت الجرائد اليومية على نشر اشهارات الخمور في صفحاتها الاولى..والويل لمن يبدي امتعاضا ..وجيء بالشواذ واهل الفسق من شتى بقاع الارض لاقامة الحفلات الماجنة على مسارح المدن التونسية وحتى داخل الحرم الجامعي في مخطط مكشوف لضرب التونسي في عقيدته وانتمائه الروحي..وفُتّحت أبواب اجهزة الاعلام من صحافة واذاعة وتلفزيون على مصراعيها أما الوجوه المعادية للاسلام من شيخ الفسق المقبور فرج فوده الى الغنّان الصهيوني انريكو ماسياس الى العطرجي استى لاودر..وهو من وهبنا له محالا عديدة في البحيرة لترويج منتوجه في حين كا قد التزم بتوفير حجارة الهيكل على حسابه وهي الان جاهزة تنتظر الشروع في البناء والقائمة تطول ومعها الاحداث في استعراض جرائم التطرف العلماني في حق شباب واهل تونس..

وفي الاخير يأتي من يريد أن يقنعنا ان تلك الفترة الحالكة لم تكن علمانية..وان محمد الشرفي كان سنّيا على مذهب اهل السنة والجماعة وانّ النوري بوزيد كان تلميذا من تلاميذ الامام جعفر الصادق..وأن عبد الله القلاّل كان شيخا من شيوخ الصوفية..وان العلمانية الحقيقية هي غير ذلك..أو انها موضوعة في مكان سرّي ..لعله دورة مياه في احدى الحانات..تنتظر الخروج للضوء لتملأ تونس عدلا ونورا كما ملئت ظلما وجورا...فكفّوا...احتراما لعقولكم على الاقل..هذا اذا لم تكن لنا عقول..وذاكرة..

أبو عربي

read more "ذاكرتنا شغّاله..ميّا ميّا...حوّل"

هل نحن ثوريّون؟

مجالس و مظاهرات و اعتصامات و الشعار حماية الثورة. و هذا الإجماع على وجود أعداء الثورة و وجوب الدفاع عنها يوحي بوجود الكثير من الثوريين التونسيين، و ذلك بدءًا من الذي ناضل عقودا ضد الاستبداد، و وصولا إلى من تعشى مرقة يوم 13 جانفي و أفاق يوم غد و هو ينادي بشي غيفارا. إن الثوري لم يقلب نظاما ديكتاتورياً ليضع مكانه نظاما ديكتاتورياً آخر، و هو لا يخشى الديمقراطية أو حكم الأغلبية أو حتى طيارة فكرياً. فهل هذا هو حالنا؟

الحمد لله أن مقصلة الثورة الفرنسية لم تتحصل على الرخصة في تونس. و لكن بدل تطاير الرؤوس نرى براعةً في رياضة وطنية جديدة و هي كيل التهم و حبك الاشاعات. شريط وراء شريط و مقالات تدعي العلم المُطلق و الفهم الخارق، و أعيب على بعض الحمقى الذين يديرون صفحات فاسبوكية "مستنيرة". أما عن الصحفيين الحقيقيين، لنكن طيبين.

كيف لصحفي كانت الصحافة آخر خيراته في ورقتي التوجيه، و كان يكتب منذ 3 أشهر عن تسريحة شعر ديفيد بيكهام أن يتحول إلى صحفي كفء؟ إن الثوري لا يقصي، بل هو مستعد لكي يكون معارضا أضحى أوجدته الانتخابات في تقى الوضعية. و لكن الأسهل هو نعت الاسلامي بالإرهابي و العلماني بالكافر اليهودي و الشيوعي بالديناصور (و ليس بمعنى القوة بقدر الإنقراض). هذه نصيحة لكل من أراد أن يكون حزبا دون مشاكل : احلق اللحية و الشوارب، و سم حزبك إسما لا يدل على أي إنتماء مثل " التقدم الثوري و العدالة و الديمقراطية من أجل الوطن". 

الكثير لا يهتم بالمحتوى و القيم و البرامج بقدر الشكل و الأسماء، و كما يقول كونفوشيوس :" عندما يشير الحكيم إلى القمر، لا يرى الأحمق سوى الاصبع". الشيوعيون الفرنسيون مع السوق الحرة، و الحزب الحاكم في ألمانيا هو "المسيحيّون الديمقراطيون"، و كل البلدان اللاتينيّة العلمانيّة تدفع راتب الاسقف و تستثمر في التعليم الديني. و لكن لا تغرنكم المظاهر: الشيوعي التونسي يريد دولة سوفيتية، و الإسلامي التونسي يريد خلافة عباسية، و العلماني التونسي يريد تحويل المساجد إلى علب ليلية. 

شادي الرّياحي

read more "هل نحن ثوريّون؟"

رسالة إلى صحافتنا المتلوّنة

شهد المشهد الإعلامي في تونس تنوّعا واضحا منذ الإطاحة برأس الديكتاتورية.. صحافة تتخبط بين الماضي والحاضر محاولة التمشّي مع واقع المشهد التونسي إن لم نقل الجملة المشهورة:محاولة الركوب على الثورة، فتلك الصحافة المعروفة في وسط الشارع التونسي بالصحافة الصفراء لم تكلّف نفسها عناء الإعتذار عن مغالطتها للرّأي العام وهتك أعراض الناس في محاولة بغيضة لكسب ودّ فرعون وجنوده...

نعم، بكلّ وقاحة أطلّت علينا وجوه باعت ضمائرها وأقلامها ورسالتها في ثوب ثوريّ لم يتناسب مع ماضيها ولن يتناسب مع مستقبلها.. فعهد الصحافة الصفراء قد ولّى وحان الوقت للفكر الجديد وللتشبيب بعيدا عن الإنتماءات الضيّقة والمطامع الشخصية. فإنّي أستغرب ممّن راهن على نظام أو رئيس ودافع عنه بكل قوة وضراوة أمام منتقديه و معارضيه أن يتنصّل من المسؤولية بسهولة وبتعلّة "كنا نتعرّض لضغوطات".. عجبا بعد ان كانوا الذراع الإعلامية للدكتاتورية أصبحوا آلة سب الديكتاتورية.. أقولها وأتمنّى لمن خان تونس وباع رسالته تحت أي ظرف أن يعي أن الشعب التونسي صدره رحب ومسامح بطبعه فلا تتأخرو بالإعتذار لنبدأ صفحة جديد مع إعلام جديد. 

مروان الشّرايـڨي 

read more "رسالة إلى صحافتنا المتلوّنة"